今次約咗朋友去觀塘食 牛大人火鍋，主打嘅 日本黑毛和牛火鍋放題真係冇失望！正！
今個月牛大人推出「經典重現 · 復刻體驗」主題，有多款懷舊經典美食，好有特色。
鍋底揀咗【養生菇菌燉雞鍋】＋【雪白御鮮豆腐鍋】，一濃味一清甜，涮肉同海鮮都好夾。尤其係養生菇菌燉雞鍋，菇菌、紅棗、龍眼乾、杞子加大雞腿，材料十足，養生暖胃。
先叫啲小食熱吓身【蝦蝦霸王脆多士】，炸到熱辣辣又香脆，蝦味超濃；【海苔鹽酥雞】就惹味十足，好有台灣夜市 vibe～
肉類方面就超晒班。【日本黑毛和牛A4+】油花分佈好靚，涮幾秒就已經入口即化，香氣四溢～【澳州和牛牛丸】就彈牙兼肉味濃郁。
另一主角【海鮮拼盤】，有鮑魚、蠔、扇貝、鯇魚片，全部都好新鮮，配豆腐鍋就更覺鮮甜。
除咗要淥嘅鮑魚仲有即食鮑魚，仲要有三種製法，【古法醉鮑魚】、【美乃滋鮑魚酥】同埋【柚子燒汁鮑魚】，各適其適，一於試晒佢。
除咗牛肉，豬肉都好高質。【伊比利亞黑毛豬梅肉】肉色粉嫩，味道香甜。
任食嘅海蝦同沙白同樣新鮮大隻，回本之選！
飲品甜品選擇一樣精彩，超多台式食品，打卡仲送清新解膩嘅 芒檸蜜西米爽。
Dreyer’s 雪糕筒、Mövenpick 同Haagen daz杯裝雪糕，仲有滑滑嘅台式甜品蜜桃愛玉冰，火鍋收尾一流～
另外最特別嘅係帶少少酒感嘅 港式檸檬茶 18+ 🍸，惠顧「日本黑毛和牛A4+」任飲。惠顧「澳洲極上和牛」升級任飲價$68/位，其他套餐單點＄58/杯。微醺住打邊爐，真係爽呀～
1
