影片
更多
2019-04-14
107 瀏覽
自從旺角MOKO MALL重新裝修後，個商場真係靚佐好多，亦都好行佐好多，間接令我多佐黎呢個商場。除佐黎多買衫買鞋買袋外，亦都多佐過黎搵食，因為有多間餐廳自己都想試，而今日就試佐呢間日式燒肉餐廳。餐廳主打既係燒肉，所以基本上每個座位前面都有一個燒爐，而可以面向廚師既吧檯位當然就最正啦。望向餐牌，餐廳有宮崎和牛既選擇，而且價錢都唔貴。除佐燒肉外，其實都仲可以order 刺身盛，丼飯，等等。二人套餐相信係最抵食之選。酒類飲品，同埋甜品既選擇都有唔少。餐牌都真係幾多，好易讓人花多眼亂。每個座位前面都會有各式調味醬料，可以喺燒肉既過程裡面加鹽加醋。最後我地都係order佐個二人套餐，因為比較簡單，唔駛費神用腦。必勝燒肉二人套餐 $680味噌湯點菜完畢，首先來到既係味噌湯，佢做得好濃，熱辣辣，飲完即刻成個胃暖哂。三點漬物漬物分別有泡菜，日本准山，同埋蒜頭，個人最鐘意食辣辣地既蒜頭，辣得黎帶甜，好好味。生菜醬料盤生菜盤有2款，包括佐生菜，同埋 紅毛菜。而醬料就有 生蒜，泡菜， 同埋辣醬。生菜用黎包肉食，可以減低油膩感，而生蒜同埋泡菜又可以加多一份層次感。牛油果蟹籽沙律呢個牛油果蟹籽沙律都幾我得意，
除佐黎多買衫買鞋買袋外，亦都多佐過黎搵食，因為有多間餐廳自己都想試，而今日就試佐呢間日式燒肉餐廳。
餐廳主打既係燒肉，所以基本上每個座位前面都有一個燒爐，而可以面向廚師既吧檯位當然就最正啦。
望向餐牌，餐廳有宮崎和牛既選擇，而且價錢都唔貴。
除佐燒肉外，其實都仲可以order 刺身盛，丼飯，等等。
二人套餐相信係最抵食之選。
酒類飲品，同埋甜品既選擇都有唔少。
餐牌都真係幾多，好易讓人花多眼亂。
每個座位前面都會有各式調味醬料，可以喺燒肉既過程裡面加鹽加醋。
最後我地都係order佐個二人套餐，因為比較簡單，唔駛費神用腦。
必勝燒肉二人套餐 $680
味噌湯
點菜完畢，首先來到既係味噌湯，佢做得好濃，熱辣辣，飲完即刻成個胃暖哂。
三點漬物
漬物分別有泡菜，日本准山，同埋蒜頭，個人最鐘意食辣辣地既蒜頭，辣得黎帶甜，好好味。
生菜醬料盤
生菜盤有2款，包括佐生菜，同埋 紅毛菜。
而醬料就有 生蒜，泡菜， 同埋辣醬。
生菜用黎包肉食，可以減低油膩感，而生蒜同埋泡菜又可以加多一份層次感。
牛油果蟹籽沙律
呢個牛油果蟹籽沙律都幾我得意，蟹籽已經離佐殼，所以好易就食到，而牛油果蟹籽沙律就為口腔帶來清新感。
三點刺身
三款刺身包括佐油甘魚，三文魚，同埋甜蝦，每款有二件，每人有一件。
刺身好新鮮，食落鮮甜，甜蝦帶有彈牙口感，高質。
火爐燒肉拼盤
燒肉拼盤一共有5款，包括佐和牛肉眼蓋、和牛三角位、和牛助條、和牛板腱、雞腿肉 (日本南部雞使用)、同埋無添加 丸十牧場和牛肉腸。
餐廳特別為每款食物加了「名牌」，讓我們可以更容易辨別自己正在食用既部位。
真係各個唔同既位置食落既味道都唔同，要特別小心既係燒肉腸既時候要小心它會斷開，因為遇熱佢就會漲開，而左右兩邊既和牛肉就有可能迫爆而破出，自己就唔小心白白浪費了4分1條肉腸啦。
基本上和牛既肉質都係比較軟腍，而肉味濃郁既，三角位自己真係比較少食到，而個人最鏗意都係和牛板腱既部份。
泡菜和牛炒飯
最後來到既係泡菜和牛炒飯，基本上黎到呢個上菜位既時候自己都已經好飽啦，但係和牛炒飯又不能不吃呢！
炒飯炒得好香，油唔算多，每一粒米也炒得很乾身，和牛既量都算幾多，基本上每2口都會有和牛沾上。
抺茶雪糕配紅豆白玉丸子 $55
甜品方面，我地揀佐抺茶雪糕配紅豆白玉丸子，心多多既我地一次過要哂咁多款配料。
抺茶唔算得上係好濃，不過都脅帶有茶既甘香，難得既係雪糕既份量超多，基本上3-4人食都仲得，白玉丸子亦係水準既煙韌好味。
埋單大約$800，一次過可以食哂和牛，刺身，加抺茶甜品，絕對超滿足。
張貼
