和牛燒肉一郎 (新都城中心二期) (已結業)

平日難得收早陪媽咪去將軍澳拎嘢比親戚，梗係要一早search定附近有咩食，原來新都城都有和牛燒肉一郎！上次銅鑼灣食過好高質，立即book 枱帶媽咪去試下！Set C  $398限時90分鐘嘅放題, 有優質靚美國牛肉、日本產豚肉、雞肉，海鮮等，自助區仲有沙律、飲品、雪糕蛋糕勁多選擇！點左set 之後就可以 掃QR Code 落單！上菜仲係用高速帶運送過黎，媽咪點得特別開心🤣🥩🔥 U.S.牛＋日本產豚肉&雞肉放題SET C $398 套餐包括U.S. 牛10種牛肉，仲有牛肋肉、薄炙牛肋肉、里脊肉、薄炙牛里脊肉、牛舌、日本產豚肉4款、雞肉2款、海鮮5款、野菜11款一共成 62款＋特選拼盤！陣容超～強～勁呀！🥩特選拼盤每款有幾片牛肉，唔同部位油脂分布唔同，口感都有分別，一次過食哂幾種，可以再按自己口味落單! 💛比較特別💛金箔肥牛山：食落肥瘦均勻肉質香濃，加埋金箔更顯矜貴～  ⭐個人推介⭐薄炙牛里脊肉：薄薄一片一煎即熟，肉味香濃油脂甘香！配上温泉蛋食！滿分💯 另外薄炙牛肋肉都係特別嫩滑香口！必食！🥩日本豚肉同厚切火腿肉勁惹味，燒到薄脆香口無比！🐥日本雞腿肉口感豐富肉汁多，海鮮都好新鮮爽口無得彈！