影片
更多
2019-04-25
109 瀏覽
1年前食過Lunch之後對佢念念不忘，成日都好想再食，但知道貴所以要搵藉口食。就襯我生日去試下未食過嘅晚餐先～幾日前打去訂座，一去到就安排我地坐獨立位。記得上次冇訂walk-in係坐出面的，所以book檯係明智決定。有一張menu 有晒3個和牛set，另一本menu就係散叫嘅。我地就叫左個鹿兒島黑牛A5豪華燒肉二人前($1980)依個set比起另2個set有其他配菜，而另外2款就只得肉拼盤，所以就叫左依個set好似比較值~包括前菜, 沙律, 湯, 炸魚餅, 燒鰹魚, 石頭鍋飯同甜品肉類就有A5特選鹿兒島黑牛厚切西冷, 日本產和牛牛肩眼, 日本產特選和牛牛排肉, 日本產豚腩肉同牛舌。本日精選沙律同本日精選前菜拼盤前菜拼盤好驚喜，有燒銀雪魚，而且蒸蛋係一舊舊嘅海膽，好鮮味。鹿兒島名產薩摩炸魚餅三種有明太子味，芝士同原味，好吸引。鹿兒島產灸燒鰹魚估唔到幾好味，以為會腥腥地點知係鮮味。碎牛肉刺身石頭鍋飯(使用日本米)侍應問個飯駛唔駛遲d上，因為我想食燒肉個時連埋飯一齊食冇咁油膩，所以都一早上左。侍應問我地要唔要辣，我地要辣，佢會幫我地撈埋。份量都幾多，我食左1碗，老公都分左2碗。d飯係日本米，
就襯我生日去試下未食過嘅晚餐先～
幾日前打去訂座，一去到就安排我地坐獨立位。記得上次冇訂walk-in係坐出面的，所以book檯係明智決定。
有一張menu 有晒3個和牛set，另一本menu就係散叫嘅。
我地就叫左個鹿兒島黑牛A5豪華燒肉二人前($1980)
依個set比起另2個set有其他配菜，而另外2款就只得肉拼盤，所以就叫左依個set好似比較值~
包括前菜, 沙律, 湯, 炸魚餅, 燒鰹魚, 石頭鍋飯同甜品
肉類就有A5特選鹿兒島黑牛厚切西冷, 日本產和牛牛肩眼, 日本產特選和牛牛排肉, 日本產豚腩肉同牛舌。
本日精選沙律同本日精選前菜拼盤
前菜拼盤好驚喜，有燒銀雪魚，而且蒸蛋係一舊舊嘅海膽，好鮮味。
鹿兒島名產薩摩炸魚餅三種
有明太子味，芝士同原味，好吸引。
鹿兒島產灸燒鰹魚
估唔到幾好味，以為會腥腥地點知係鮮味。
碎牛肉刺身石頭鍋飯(使用日本米)
侍應問個飯駛唔駛遲d上，因為我想食燒肉個時連埋飯一齊食冇咁油膩，所以都一早上左。
侍應問我地要唔要辣，我地要辣，佢會幫我地撈埋。
份量都幾多，我食左1碗，老公都分左2碗。
d飯係日本米，所以好軟好有口感，真係好想食多1碗。
拼盤黎啦～
右上係
日本產豚腩肉
有6塊，但相對和牛真係比較失色
右下係牛舌
薄切有4片，我鐘意食牛舌，但我更愛厚切多d
左下係日本產和牛牛肩眼，有4片, 厚切，非常juicy，我叫老公幫我燒medium rare, 真係好正, 撈埋飯一齊食更加會爬多幾啖飯~
下中間係日本產特選和牛牛排肉, 4塊厚切，同牛肩眼差不多，有肉味，非常正～
A5特選鹿兒島黑牛厚切西冷
堅厚切，切到出黎都有7~8塊，好多油花，所以每食一口都有油香味，我多數燒到medium 左右就ok，好軟林林，齒頰留香，好邪惡呀，點解可以咁好食嘅～
最後有雪糕食，有黑芝麻，紅豆，綠茶，雲呢拿味，我揀左黑芝麻味。
加埋一$2178，都幾貴，但好值，食物質素好高，份量又滿足。希望可能有機會再食過～
張貼
