Burgerman (欽州街) (已結業)

成日聽人講Burgerman係全香港最好食嘅漢堡包，今日終於試到喇。黎之前一早諗定要點和牛漢堡，因為自己本身鍾意食牛，但至尊漢堡有兩塊漢堡扒驚太油膩， 一塊牛加芝士就啱啱好啦。佢嘅漢堡有得單買，亦都可以加$20轉套餐，包括一份炸薯條/薯格，一罐汽水。今日想特別少少，就多口問店員可唔可以轉炸番薯條，原來係得嘅。不過大家留意番，轉蕃薯條係加$28。🍻由於我係外賣拎返屋企食，所以特登用多士爐烘番熱啲食物。和牛漢堡原來真係好多肉汁，一路食啲肉汁係咁流落手🤡。可能係想突出和牛嘅味道，漢堡包本身唔係太多醬汁，只有薄薄一層好似芥末汁鋪喺底。我覺得如果加錢加多一份大啡菇，成個包會更多層次。😋另外炸蕃薯條都好夠乾身唔油膩，如果番薯條切得大件少少就更加好，因為我中意軟身小小既蕃薯🍠下次想試吓呢間小店嘅意粉，應該都會好出色。