燒魂 (已結業)

餐廳感覺幾乾淨同座位闊落，入面用畫紙形式落單，想食咩就自改剔，好方便唔洗行嚟行去拎😀一坐低店員就好禮貌招呼，拎餐紙比我地睇，由前菜、刺身、燒肉、和食，基本上咩都有。一定係叫咗刺身先，三文魚、呑拿魚、甜蝦、希靈魚等等，常見嘅刺身都齊。同朋友平日晚市六點前入座有優惠，有過百款食物比你揀。主打黑毛飛霜空降和牛，啲紋好靚好吸引，汁燒安格斯骰仔粒😋細細片，油脂分布平均而且質感軟身，唔會好難咬。香蔥薄牛舌大推，好滑順軟嫩，濃香嘅牛肉味，配上香蔥好香好香。牛肋條個醬汁好入味，幾鍾意味道好食。另外佢嘅熟食好正，清酒煮蜆啲蜆漲卜卜，炒豚肉啲汁酸酸甜甜好香好好食🤭仲食埋豆腐泡菜鍋，雖然勁辣但真心好香好刺激🫶🏻可以一戰