影片
更多
2025-05-31
493 瀏覽
如果你係和牛愛好者，銅鑼灣「壽兵衛」嘅A5霜降和牛套餐絕對要放入口袋名單！由日本直送嘅仙台和牛，質素拍得住當地名店，今次就同大家分享吓呢個超滿足嘅體驗～ 前菜已經睇得出師傅心思：蟹膏豆腐鹹鮮爆棚，水雲醋清爽解膩，磯煮鮑魚彈牙唔韌，三款小食瞬間打開胃口。 刺身水準極高！最正係大拖羅，脂肪紋理靚到發光，咬落去魚油香爆炸；海膽Creamy得嚟帶淡淡海水味；另外仲有牡丹蝦，帶子同埋配埋金目鯛 茶碗蒸加入有馬山椒好特別，微微辛香襯托穴子嘅鮮甜，蒸蛋滑到似布甸。 到戲肉壽喜燒！先有煎厚切牛舌心，爽口彈牙唔會韌，而且仲有油脂爆出。A5仙台和牛西冷厚薄程度剛剛好，食落有口感，霜降紋理睇見都流口水～師傅推介煮到五成熟，再蘸日本蛋漿食，肉質嫩滑到難以形容，牛脂香慢慢滲出！蔬菜盛合吸盡壽喜燒汁精華，尤其係旺菜，豆腐同皇帝菜。 尾聲嘅舞茸菇清湯清淡暖胃，豆腐雪糕綿密香濃，加埋日本蜜瓜，甜度剛好畫上句號。 環境私隱度高，師傅同店員會細心講解食材，雖然價位中上，但食材同烹調都對得住價錢。總結：和牛質素無得輸，壽喜燒迷必試！
前菜已經睇得出師傅心思：蟹膏豆腐鹹鮮爆棚，水雲醋清爽解膩，磯煮鮑魚彈牙唔韌，三款小食瞬間打開胃口。
刺身水準極高！最正係大拖羅，脂肪紋理靚到發光，咬落去魚油香爆炸；海膽Creamy得嚟帶淡淡海水味；另外仲有牡丹蝦，帶子同埋配埋金目鯛
茶碗蒸加入有馬山椒好特別，微微辛香襯托穴子嘅鮮甜，蒸蛋滑到似布甸。
到戲肉壽喜燒！先有煎厚切牛舌心，爽口彈牙唔會韌，而且仲有油脂爆出。A5仙台和牛西冷厚薄程度剛剛好，食落有口感，霜降紋理睇見都流口水～師傅推介煮到五成熟，再蘸日本蛋漿食，肉質嫩滑到難以形容，牛脂香慢慢滲出！蔬菜盛合吸盡壽喜燒汁精華，尤其係旺菜，豆腐同皇帝菜。
尾聲嘅舞茸菇清湯清淡暖胃，豆腐雪糕綿密香濃，加埋日本蜜瓜，甜度剛好畫上句號。
環境私隱度高，師傅同店員會細心講解食材，雖然價位中上，但食材同烹調都對得住價錢。總結：和牛質素無得輸，壽喜燒迷必試！
張貼
