牛太 (已結業)

極級豪華和牛放題 ($428)-又有新嘅燒肉放題登陸荃灣喇，喱間仲有和牛食🐮。喱度主打係日本產嘅黑毛和牛，分別有霜降牛肋肉、牛脊肉同埋角切肉。三種和牛嘅肉質都好嫩，不過司令就比較鐘意牛脊肉嘅口感同埋肉味，整體都係高質嘅😍。另外叫多份溫泉蛋白飯配住食就唔會膩啦。-除左和牛，仲有豬肉、雞肉、蔬菜同埋海鮮，選擇都幾豐富，例如海鮮方面，佢有牛油帶子、帆立貝、魷魚同海蝦等等，質素都ok。雖然每位價錢唔算太平，但係計落性價比都幾高嘅，都算得上係幾抵食。-食到尾記得叫埋甜品食，司令就揀左燒香蕉同綿花糖啦，燒一陣就食得，最後食埋送既Movenpick雪糕，夠曬滿足。