和菓子の里 (已結業)

年三十去買和果子做飯後甜品，崇光地庫好像打仗咁，人多到行唔到，好多店都要排隊，其實一家店即係一個玻璃櫃，我去呢間日本和果子店都一樣，打晒蛇餅，個個買禮餅做拜年用！好在店員好有經驗一個派定傳單，（款式都好多，榚點、蛋糕、餅乾任君選擇）一個在人龍先落單，去到櫃位即攞餅，最耐都係簽卡，蛋糕包得好靚，用和紙包！唔花巧但美觀！蜂蜜蛋糕禮盒：（$135）入面有兩種味道，抹茶及原味，包裝好札實，和紙包紙盒再加個紙套，我只試了原味，蛋糕鬆軟，不過味道偏甜，底部有粗粒糖粒增加口感！幾好味！下次都係要唔迫人先來買！