影片
更多
2021-05-17
59 瀏覽
和富中心 高性價比高質之選～～～之前中學喺北角讀書 所以對呢一頭有種特別嘅情感 仲記得我好鍾意一放學就去和富中心附近玩 因為呢度附近有海旁 有文具舖 又有少少平價餐廳😌～～～一別十年 再次嚟到和富中心 呢度已經係面目全非 沒有了以前嘅頹廢舊商場 而家嘅商場比以前靚好多 好乾淨 好光猛 亦都有好多新嘅餐廳進駐😛～～～諗黎諗去之後 我就揀咗呢一間冰室99 貪佢餐牌有好多食物選擇 價錢又相對接近我當年讀中學嘅價格😋而且唔使加一～～～🐟西京銀雪魚意粉配燒汁$128：邊緣脆卜卜嘅銀雪魚 一咬落去滿口魚油 肉質白嫩肥美 加上甜甜地嘅燒汁 正！意粉軟硬度亦係恰到好處 食得出廚師功架不錯～～～🐷美國豬鞍扒配蒜蓉汁 $98 ：熱辣辣嘅鐵板餐 厚厚嘅豬鞍扒 脆到極致嘅脆薯角 無論貌相 氣味 味道 全部都無可挑剔 加上鐵板助功底下 就算一邊傾偈 一邊食都 可以保持熱度 仲有就係呢個鐵板餐有包埋丹麥酥同餐湯 外脆內軟 香甜有致嘅丹麥酥真係好正！！比平時餐廳嘅牛油餐包好食好多～～～🥘咖喱滑雞農夫包 $62：滑雞唔係用頹嘅雞扒 而係真係用雞件 雞件嫩口 有雞翼 雞翼尖等等 雞皮亦滑溜 農夫包酥脆非常 咖喱惹味而
～～～
之前中學喺北角讀書 所以對呢一頭有種特別嘅情感 仲記得我好鍾意一放學就去和富中心附近玩 因為呢度附近有海旁 有文具舖 又有少少平價餐廳😌
～～～
一別十年 再次嚟到和富中心 呢度已經係面目全非 沒有了以前嘅頹廢舊商場 而家嘅商場比以前靚好多 好乾淨 好光猛 亦都有好多新嘅餐廳進駐😛
～～～
諗黎諗去之後 我就揀咗呢一間冰室99 貪佢餐牌有好多食物選擇 價錢又相對接近我當年讀中學嘅價格😋而且唔使加一
～～～
🐟西京銀雪魚意粉配燒汁$128：邊緣脆卜卜嘅銀雪魚 一咬落去滿口魚油 肉質白嫩肥美 加上甜甜地嘅燒汁 正！意粉軟硬度亦係恰到好處 食得出廚師功架不錯
～～～
🐷美國豬鞍扒配蒜蓉汁 $98 ：
熱辣辣嘅鐵板餐 厚厚嘅豬鞍扒 脆到極致嘅脆薯角 無論貌相 氣味 味道 全部都無可挑剔 加上鐵板助功底下 就算一邊傾偈 一邊食都 可以保持熱度 仲有就係呢個鐵板餐有包埋丹麥酥同餐湯 外脆內軟 香甜有致嘅丹麥酥真係好正！！比平時餐廳嘅牛油餐包好食好多
～～～
🥘咖喱滑雞農夫包 $62：
滑雞唔係用頹嘅雞扒 而係真係用雞件 雞件嫩口 有雞翼 雞翼尖等等 雞皮亦滑溜 農夫包酥脆非常 咖喱惹味而不過辣 呢個價錢黎講 質素真心有驚喜 本來係諗住試下 無話好大期望 點知真係一試愛上
～～～
總括黎講 食物質素高 服務員態度亦好好 係一間會想encore嘅茶餐廳 可惜我以前讀中學嘅時候未有 如果唔係一定成日都嚟
～～～
推薦度：🔥🔥🔥🔥🔥🔥🔥🔥🔥
冰室99 (北角)
北角和富道21-53號和富中心地下G16號舖
張貼
