飲嘢 (已結業)

夏日炎炎，下晝太陽咁晒嘅時間，係街度行都真係幾辛苦下，經過呢間飲嘢，緊係入去飲返杯野先啦！入到去，環境舒服，坐位都吾會迫，一嚟到，店員就送上兩大杯冰水，好合心意，我地兩個嗌左兩杯野飲同碟薯條食下。我係嗌呢杯符碌茶，吾知點解有個咁得意嘅名，其實都係fruit tea嚟，好大份，吾會太甜，入面有橙，西瓜，菠蘿，青檸，檸檬等等水果，味道清新，仲可以食埋入面水果。朋友嗌左嘅係奶媞紅，即係latte black tea，朋友話幾好味，我吾係好受得latte都飲左啖試下，上面嘅白色個層係少少咸咸地嘅，加下面balck tea都幾特別，幾好飲嘅係。薯條係我至愛嘅扭扭薯條嚟，係即嗌即整，所以上碟要熱辣辣好正，一提係醬除左係茄汁，仲加上沙律醬係面，一點有兩隻我喜歡嘅醬，好好食，係傾下計抖下嘅好地方。