飲嘢 (已結業)

每次一話食糖水，朋友每次都答嚟「飲嘢」，但又真係唔會厭😂因為飲嘢芋圓真係好食又平，環境又幾舒服次次嚟都會望menu好耐，但每次都係叫返芋圓1號🤣由中學到依家唔知第幾次嚟，基本上每個位置都坐過😂仲記得成日著住校服喺度傾八卦嘅日子，就算依家唔再著校服，但仲可以同一樣嘅人嚟食芋圓真係好幸福💕曾經有一段時間冇再嚟，一嚟忙，二嚟覺得飲嘢芋圓差咗，但今次嚟，竟然驚喜地發現芋圓改善咗好多！煙韌彈牙咗，仲食得出入面嘅芋頭、薛薯、紫薯味！希望飲嘢繼續保持水準，呢個地方係其他地方再好食都取替唔到💕

之前唔知到有呢間店, 朋友話去飲嘢我想推左佢😹聽到有奶蓋飲, ok I'm coming~🤡<熱奶提茉莉春尖>自己麻麻地奶蓋熱飲, 純粹覺得奶要凍😅茉莉春尖好香, 清甜~ 奶蓋一如既往好味道🤤呢度既奶蓋偏厚實, 唔似某啲店咁飲落好水, 佢店內有介紹奶提同奶蓋既分別, 但我唔記得左...<芝士奶提四季春>基本上次次都叫四季春🍃, 因為茶清但好香茶味, (除左烏龍唔係幾飲濃味茶), 就咁飲一啖奶蓋一啖茶//撈埋一齊飲都好味, 好大原因係因為茶唔會死甜😗一直唔知厚芝士點厚法, wow😹飲正常版都好飽, 仲好利尿, 我自己一個一定飲唔哂一大杯👐🏻不過飲嘢有個好處, 去過幾次唔多人等, 坐耐啲都唔怕, 咁可能飲得哂💁🏻‍♀️------------------------------之前有食過芋圓, 口感夠煙韌都好正, 不過個底等個甜字有啲失色😉對於我黎講, 呢間店既主角始終係奶蓋🍺

呢間舖真係由中學開始就開始幫襯☺️因為環境好舒適，俾人一種好warm既感覺☀️俾人想坐耐d、再試下其他野食既感覺😳之前放學得閒就會黎呢度食野，人少的話就會留係度嗌唔同野食一路吹水同埋溫書😳直到宜家約fd都會揀黎呢度食下甜品。啲職員又好nice☺️👍今次我嗌佐芋圓一號，芋圓有三隻味各兩粒，個份量足夠仲可以加三蚊轉奶茶底。有時食到d珍珠係黑糖珍珠有時就唔係😂個人覺得係黑糖珍珠會好味啲☺️☺️☺️

環境夠光猛......食物價錢合理......選擇又夠多..........份量亦足.......實物賣相同menu啲相一樣係咁精美.........而且職員態度友善..........因為嘢食始終係甜品為主..........食完有啲頸渴..............佢哋亦肯畀一大杯清水我同班fd解渴.............一啲都唔姑寒.........值得推介.............👍🏻

呢間cafe個名夠曬gimmick 老闆為夢想 開左兩間小店 一間叫飲嘢 一間叫食嘢😉可惜食嘢已經執咗🤐除咗馳名奶緹 仲有甜品比你醫下肚🤫珍珠奶茶蛋糕同芋圓最吸引我眼球 真係越做越多花款👍碗設計得好靚😻裏面有仙草 紅豆 煉奶 芋圓 地瓜圓🍠好match可惜太甜🍯不過幾有咬口😍裏面再多d芋頭同蕃薯蓉就好啦😌

今日食完lunch就去左飲野，因為仲有d paperwork未做完，見左杯野就慢慢做🧡💚❤️一直好鍾意飲野既環境，好輕鬆休閒😍基本上叫一杯野飲就可以hea成個下就，所以唔難見到學生帶notes黎溫書或係電腦打paper，亦會見到三五知己黎吹好耐既水😊👍🏻今次叫左$48 既大大杯lemon soda特飲，一黎因為佢外形好似testtude甘吸引喇，二黎都係清新一族，飲完覺得好fresh既☺️50蚊左右有一個甘舒適既環境加野飲，真係好抵！

今日遊車河日，去到大埔又未到晚飯時間，諗住搵個地方坐低飲杯嘢攝下時間，行過見到間鋪頭叫「飲嘢」，睇埋Menu，好多款式嘅飲品同甜品，於是就決定係度飲杯嘢。坐低咗，order埋嘢飲，呢度坐位唔算多，但感覺好優閒，唔駛等好耐飲品就到咗。兩杯飲品分別喺Fruit Tea符碌茶同Fruit Soda符碌梳打，改名有心思味道方面，fruit tea茶底用咗苿莉花茶，配上橙，提子，菠蘿，好香果味，茶底唔會太濃令生果食落味道變淡，唔錯。Fruit soda嘅材料同fruit差唔多，但用梳打水做底，飲落好fresh，加上賣相，絕對睇得又食得。見佢地甜品嘅款式都唔小，下次要嚟試下

個日同朋友下午茶時段嚟到，首先嗌咗杯奶蓋茶王，然後想嗌啲小食先發現呢個時段係乜都冇，甚至餐牌上面都有啲冇得嗌。唔緊要嗌嗌咗個Oreo cheesecake同芋圓。首先叫得飲嘢，杯茶其實真係唔錯嘅，好香同有回甘，但芋圓就麻麻地，個紫米露底太淡，cheesecake就不過不失，所以嚟都係嗌嘢飲算～

晚飯後好想食甜品，所以係呢間店外賣芋圓2號，吧枱有個女仔態度唔多好話要我等10分鐘，好想食唯有落住雨都等，最後唔止等左10分鐘，終於等到拎咗返屋企食，冇比到餐具都算，好彩我係屋企有自己匙羹用，打開食咗兩啖就覺得唔對路 ，用匙羹料到底發現除咗側邊椰汁糕已經溶哂，最重要嘅係一粒芋圓同地瓜圓都冇!!!!!!!你冇睇錯！係居然一粒都冇！order芋圓仙草凍但入面居然冇任何芋圓！剩係得涼粉，甜到爆嘅椰果同溶咗嘅椰汁糕！嬲到我爆炸！同叫海南雞飯但係冇雞有乜分別？呢十幾分鐘到底等左啲咩？？等咁耐最終淨係食到啲咁嘅嘢都唔知點解仲可以開門做生意，超劣評！仲有呢碗野應該叫椰果涼粉那裡來的芋圓？

今次入來真係搵朋友飲野, 可以舒舒服服坐低吹水, 呢間耐唔耐都行過, 今次一於去試下。入到室內地方小巧但感覺舒適, 當日去到時間仲早, 氣氛安靜, 我地傾計都配合返要細細聲朋友叫左一個糖水, 芋園仙草凍, 不過無影相就唔mention咁多, 朋友話芋圓都唔錯幾多食的~我就叫左呢杯GALAXY FRUIT TEA, 我揀呢杯的原因當然係為左個樣和當中混合了蝶豆花啦~蝶豆花本身焗完水係藍色, 但神奇的地方混合左酸味例如檸檬後就會變成好靚的紫色gala~本身都係外貌協會成員的我, 對住咁靚的紫色簡直少女bling bling心心眼大發! 打卡影相當然唔少得啦~~飲落係好濃的檸檬味, 偏甜, 因為都好重檸檬味, 所以其他生果味就唔係太出~  不過飲飲下其實都真係好甜下, 糖漿我估應該都好重手下, 下次再叫的時候要叫少甜應該會理想D~ ^.^ ~

太和與我家距離較遠，所以很少來這區。今晚與朋友約了在太和吃晚餐，飯後想吃點甜品，剛好路過飲嘢就來嚐一嚐。食物：3/5我們點了「綜合牛奶鮮草涷」及「綜合薑汁鮮草涷」，除了牛奶及薑汁的分別，其實內裏的食材是一樣，有仙草、芋泥、蕃薯泥、紫薯泥及三色芋圓。在收銀台點餐後，甜品極速地送到桌上。整體味道一般，但沒有太特別。個人比較欣賞芋泥、蕃薯泥及紫薯泥，因為真材實料。但比較不幸的是，我發現其中一團蕃薯泥有一粒細小藍色的塑膠，但體積不大，我就沒有特意向店家反映。而芋圓較遜色，吃下去只有麵粉味，欠缺芋香或蕃薯香。另外，值得一提是我點了熱的「綜合薑汁鮮草涷」，但只是常溫、不夠熱。環境：3/5裝潢還可，音樂都是我喜愛的歌曲，但地板有點黏。服務：3/5

之前外賣甜品另比錢加左芋圓！返到屋企發現佢地無加！已經即刻打電話講話佢地無比！佢地就話留返姓名電話下之去補返比我！我講左話我唔係住個區，可能會好耐之後先去！佢地話會寫低到時我去比返我！咁我今次去到都唔會淨係叫佢地比返芋圓我！我買左兩個甜品，再同佢地講上次無比芋圓，問係咪加返比我？佢地員工好無禮貌態度好差咁話唔知有呢件事！話人人入黎話要加返就加？我話：下！咁我打電話黎個時你地係咁講！佢就話老闆無講低，同埋佢地話如果有呢啲事會有紙寫低，但佢地無見到有紙！我話呢啲係你地既事！我話咁你不如打電話比你老闆或其他同事問下！個無禮貌既女員工就話佢日日都係度！跟本就無聽過電話！又話老闆唔聽電話！咁我話咁我點呀？等到你老闆聽電話呀？我話你唔比返我唔緊要！我會上網講你地收左人錢但唔比足料人！個女員工即刻態度180度變！話咁我比返兩份你！我話：唔洗你比返兩份我！我淨係要返我比左錢個份姐！買個糖水食姐！嬲到我丫！佢唔知唔代表無發生過！仲咁無禮貌！我以後都唔會去！

I've visited yum yea for so many times. Cant event count them lolIt is because the location is nice and  the price is ok.We ordered milk cap tea and taiwanese dessertMilk cap is rich in creamy cheese taste. The tea has a light rose aroma.Taro ball is chewy but the sweet potato mash has gone bad as it tastes sour.The shop assistant said sorry to us and gave us  another bowl.

與朋友約食飯後甜點，便來了這間名字十分特別的甜品店，點了一個芋圓紫薯西米露，味道適合，不會太甜，十分適合我的口味。口感亦不會太單調，芋圓配合西米露及紫薯，十分美味的甜品

這晚在大埔吃晚飯，意猶未盡，繼續去吃甜品，走到了這間叫飲嘢的飲料甜品店。坐下看了餐牌後發現原來提供的食物飲料種類繁多，不但有嘢飲，還有小食、甜品等。我們點了兩種芋圓仙草糖水，送上來的時候感覺很大碗，絕對可以兩個人share。每吃一口都有口感不一樣的東西，很滿足！