Passion (朗豪坊) (已結業)

有客人到我家探訪，於是買咗每人一件蛋糕，咁多款揀都唔知揀邊款好，於是就四個都唔同啦，可以分享來食吖嘛！其中三個係波波形狀嘅，但係我唔記得係乜嘢名，不過我最終都係介紹白色波波同埋紅色波波，都係熱情果口味，唔係太甜酸酸地，紅色嗰個就較為酸啲嘅味道，好香嘅熱情果味，白色波就有白朱古力做外皮所以會比較甜，好好味呀！啲蛋糕切開俾你地睇，等你哋可以睇清啲裏面材料好豐富！但係冇我最鍾意嘅朱古力拿破崙，係晚上九點鐘已經賣晒，所以如果大家想食嘅請早啦！另外，我朋友話栗子蛋糕麻麻哋，比較普通。如果有一磅裝嘅蛋糕定就好啦！每件都係四十一蚊，但係呢度唔同尖沙咀嗰間有即時焗麵包嘅廚房，所以都冇買麵包，我哋去買蛋糕嘅時候都好多人下喎，所以佢真係已經好出名！果然係勁！