影片
更多
2018-08-26
261 瀏覽
喺網上見到食評有唔少讚好，決定專誠過嚟試一試。一入到去發現咦，咁少人咁多吉位嘅?(我重話一定係星期六啲人未瞓醒所以未嚟食飯姐)我哋一行3個人叫咗一碗特選極上牛カルビ醬油湯拉麵，一碗黃金胡麻肉碎沾麵，同埋一碗黑墨王肉碎沾汁麵。最後叫多一個煎牛脷嘅小食。首先，一上嗰碗黃金胡麻沾麵時已經唔多對路，點解個侍應擺碗沾汁落檯時啲汁會'浪'? 食過沾麵嘅朋友都知沾汁大多都係濃郁黏身先可以將啲汁沾晒上麵到。唔緊要，可能稀身啲都一樣咁好食姐。準備筆一羹沾汁擺入口嘅時候，點解會有咁多韭菜，完全係唔知發生咩事。啲肉碎重要真係嗰種街市買返嚟剁碎嘅豬肉碎(完全對沾麵嗰種肉碎有咗新嘅見解)唔知以為自己去咗大排檔叫咗兜韭菜肉碎豬紅湯(差在冇豬紅)到個沾汁味道，完全唔胡麻，重話咩黃金，我擺入口嗰陣就真係覺得似黃金啦(屙出嚟嗰啲黃金呀)點解可以咁淡味咁唔出味，再加一大堆韭菜係咩食法? <完全係同另一碗個黑墨王沾汁一樣，一樣水汪汪唔黏身之餘，都係有大量韭菜。重要食唔到有咩墨味，落咗墨水?定墨汁?兩款沾麵都超級地難食兼失望，到最後睇落最正常嘅拉麵，重要係特選極上喎，冇走雞啦掛。一飲啖湯嗰下，哇。。。連公仔麵啲用熱水
我哋一行3個人叫咗一碗特選極上牛カルビ醬油湯拉麵，一碗黃金胡麻肉碎沾麵，同埋一碗黑墨王肉碎沾汁麵。最後叫多一個煎牛脷嘅小食。
首先，一上嗰碗黃金胡麻沾麵時已經唔多對路，點解個侍應擺碗沾汁落檯時啲汁會'浪'? 食過沾麵嘅朋友都知沾汁大多都係濃郁黏身先可以將啲汁沾晒上麵到。唔緊要，可能稀身啲都一樣咁好食姐。準備筆一羹沾汁擺入口嘅時候，點解會有咁多韭菜，完全係唔知發生咩事。啲肉碎重要真係嗰種街市買返嚟剁碎嘅豬肉碎(完全對沾麵嗰種肉碎有咗新嘅見解)
唔知以為自己去咗大排檔叫咗兜韭菜肉碎豬紅湯(差在冇豬紅)
到個沾汁味道，完全唔胡麻，重話咩黃金，我擺入口嗰陣就真係覺得似黃金啦(屙出嚟嗰啲黃金呀)點解可以咁淡味咁唔出味，再加一大堆韭菜係咩食法? <完全係同另一碗個黑墨王沾汁一樣，一樣水汪汪唔黏身之餘，都係有大量韭菜。重要食唔到有咩墨味，落咗墨水?定墨汁?
兩款沾麵都超級地難食兼失望，到最後睇落最正常嘅拉麵，重要係特選極上喎，冇走雞啦掛。一飲啖湯嗰下，哇。。。連公仔麵啲用熱水開嘅麻油味湯底都好飲過佢喎...就好似啲日式醬油加上開稀咗唔湯唔水嘅感覺，有醬油味但好淡唔夠味，姐係點?粗製濫造? 都已經冇晒期望，再望啲牛カルビ，色水幾靚，唔係全熟，重有紅紅地色，應該7~8成熟到，觀感唔錯。靠個湯慢慢熱熟啲牛カルビ，但係夾一塊擺入口嘅時候係發現好難咬得斷塊牛，要用力揸實對筷子去扯斷塊肉。特選?極上? 定係 特差極'鞋'呀?
一碗咁基本咁簡單嘅醬油湯拉麵居然可以煮到咁難食，望落湯底一啲油都搵唔到，健康飲食?走味走油走質素?
啲麵就冇咩可以評，始終軟硬身係各人主觀喜好，我就唔多講。
最好食反而係嗰半隻溏心蛋，就算放耐咗一樣無走味，溏心煮得好啱時間。同埋個小食煎牛脷係最好味，醬汁香甜重可以帶出牛脷嘅鮮味。
總括而言，可以將啲湯拉麵同沾麵煮到咁難食咁垃圾嘅舖頭我真係第一次幫襯，完全顛覆咗我對拉麵同沾麵嘅認識。埋單4樣嘢食340幾蚊，真係貼錢去食屎咁。希望大家就算有錢都唔好咁浪費法，去淥個杯麵，買幾塊打邊爐用嘅肥牛加料都好食過呢間味吉。
超。級。失。望<一定黑名單加絕無下次>
張貼