味吉拉麵館 (已結業)

Megabox雖然都幾多日本野但大部份都食唔出日式味道而呢間味吉拉麵就比較有日本味道今次就叫左辛呢款博多湯底博湯既湯底當然係傳統既豬骨風味配上辛調味 湯底味道上尚算可以而麵質方面就比較淋個人比較唔鐘意作為日本拉麵迷當然係鐘意硬質既拉麵啦叉燒方面就比較普通 而且份量得兩塊 唔多夠隨餐會附送水果茶反而水果茶有驚起甜不算太甜又食得出鮮果味整體來講成個餐都還可以但作為lunch 來講份量好似不太足成年人應該簡特選拉麵

Megabox 除左有Foodcourt 同埋頂層果堆酒樓之外，其它層數都有唔少特色餐廳揀。今日晏晝想食日本嘢，就同左同事去Megabox一樓嘅味吉食晏。十二點幾唔使等位，直接入坐。價錢唔算太貴， 套餐都係六十幾到八十幾蚊到。博多黑蒜油豚骨湯拉麵日式拉麵可以揀要兩塊叉燒或者一件豬軟骨， 最後揀咗兩塊叉燒。拉麵嚟到嘅時候已經聞到好香嘅黑蒜油味， 不過個湯底冇想像中咁黑，個色都幾清。麵質食落都幾好，唔會太淋，好有咬口，而塊叉燒都幾大塊。

夜晚經開零碳天地果頭就行左去MEGABOX食晚飯，見有拉麵食價錢又合理就入左去試下。門口寫住拎aeon卡滿$120就有88折。平日既MEGABOX好靜，晚餐時間餐廳都係得2-3檯客，想坐邊就坐邊。拉麵主要有4款湯底揀，可以加錢配唔同既小食，或者一個麵已經包左D配料/小食，價錢就會貴D。除左拉麵都有沾麵同定食揀。我地兩個人各自嗌左一個濃厚豚骨湯底拉麵($65) + 蛋($12)同赤吉辣肉碎豚王湯底拉麵($65)+吉列豬扒($38)個豬骨湯拉麵黎先，湯底望落乳白色好似幾濃味咁，但潷起黎質地比較稀，再試一試個味道，食唔到有幾濃厚，根本上就係味精湯，個麵就煮得岩岩好，佢唔係用幼身果隻，面頭既木耳都幾多，而叉燒有兩塊，口感唔錯，帶有少少肥肉，食落幾滑同埋好淋。個蛋都幾細隻，不過做到流心既效果，而且有滷過，係食拉麵必選既配料。辛辣湯底有得揀大、中、小辣，我地叫左小辣，黎到見到紅卜卜以為好辣，都唔算辣，不過佢隻辣係直接攻落喉嚨，頭一兩啖唔係好慣，之後再食就接受到。我覺得辛辣湯底就係豬骨湯加辣油同肉碎，除左辣左同有肉碎咬下其實同豬骨湯冇咩分別。如果呢個價錢既拉麵，好食過佢既多的是，而且正宗好多。呢間拉

同老公行MEGA BOX 行到9點幾先捨得去食野，但發現好多餐廳都開始閂門....行行下就入左味吉打算快快脆食碗拉麵返屋企，入面都幾用心布置，卡位都坐得幾舒服，雖然佢地都就收工，但都無好趕客咁款，，餐牌都幾多選擇，睇左陣先揀到，，老公揀左個北海道牛乳咖喱叉燒拉麵，我就要左個博多濃厚豚骨湯拉麵，唔洗等好耐兩碗麵就黎左，食頭幾啖都覺得正正常常幾好味，但食食下覺得個湯好鹹，但個麵同叉燒本身其實幾好味，麵唔會太腍，叉燒又肥瘦適中，，如果個濃湯無咁鹹就perfect池了，，老公個牛乳咖喱好惹味，其實呢個組合好新鮮，咖喱叉燒都幾搞笑，佢都食得幾滋味，佢話幾好味，，但我都係覺得好個湯好濃，可能個人比較鍾意清D不過係幾乎要出返MEGABOX搵野食既情況下，舒舒服服食左個拉麵都幾開心走既時候見到職員同個拖個小朋友既媽媽，幫佢手推BB車又同小朋友玩下，呢到D人都幾好，幾有愛

#double_麵食 #double_九龍灣.【燒雞翼🎤我鍾意食】#🍋👧🏻 早幾星期系學校附近食左間日本菜 拉麵湯底有豚骨🐖有辛🌶即系辣味 仲有墨汁🦑可以揀~~~~~~~~~~🔹博多特濃豚骨湯拉麵🍜加配溏心蛋🥚烤雞翼🍗拉麵雖然不怎麼特別 溏心蛋光看樣子就知道很好吃了😋還有烤雞翼 加上了七味粉 加倍惹味－－－－－－－－－🍴餐廳名稱：味吉拉麵館 (九龍灣)📍地址：九龍灣宏照道38號Megabox1樓L102號舖.#double_咸 #double_日本菜.#double_official #double_兩姐妹#double_mango #double_apple #doubleig #doublefood #相機食先 #hkig #hkgirl#hkfood #hkfoodieblogger #hkfoodie #hklife #hk#hk852

喺網上見到食評有唔少讚好，決定專誠過嚟試一試。一入到去發現咦，咁少人咁多吉位嘅?(我重話一定係星期六啲人未瞓醒所以未嚟食飯姐)我哋一行3個人叫咗一碗特選極上牛カルビ醬油湯拉麵，一碗黃金胡麻肉碎沾麵，同埋一碗黑墨王肉碎沾汁麵。最後叫多一個煎牛脷嘅小食。首先，一上嗰碗黃金胡麻沾麵時已經唔多對路，點解個侍應擺碗沾汁落檯時啲汁會'浪'? 食過沾麵嘅朋友都知沾汁大多都係濃郁黏身先可以將啲汁沾晒上麵到。唔緊要，可能稀身啲都一樣咁好食姐。準備筆一羹沾汁擺入口嘅時候，點解會有咁多韭菜，完全係唔知發生咩事。啲肉碎重要真係嗰種街市買返嚟剁碎嘅豬肉碎(完全對沾麵嗰種肉碎有咗新嘅見解)唔知以為自己去咗大排檔叫咗兜韭菜肉碎豬紅湯(差在冇豬紅)到個沾汁味道，完全唔胡麻，重話咩黃金，我擺入口嗰陣就真係覺得似黃金啦(屙出嚟嗰啲黃金呀)點解可以咁淡味咁唔出味，再加一大堆韭菜係咩食法? <完全係同另一碗個黑墨王沾汁一樣，一樣水汪汪唔黏身之餘，都係有大量韭菜。重要食唔到有咩墨味，落咗墨水?定墨汁?兩款沾麵都超級地難食兼失望，到最後睇落最正常嘅拉麵，重要係特選極上喎，冇走雞啦掛。一飲啖湯嗰下，哇。。。連公仔麵啲用熱水

我叫左吉列豬排熱醬油烏冬$82，烏冬質感一般，吉列豬排非常普通 ，個湯好咸，有啲失望，老公叫叉燒拉麵$6X，啲麵質好軟-.-無想像中咁好食，不過服務態度幾好，價錢中位價，如食物有多些選擇仲好

當年將軍澳分點三個月內食到金會員，一路都覺得 Poker Cafe 期下難食極都唔會差。今日一家三口叫套餐牛肉牛骨醬油拉麵， 冇味，成碗滾水撈鹼水麵，牛肉都仲可以叉燒豬骨湯拉麵豚肉豬軟骨湯拉麵豬骨湯仲衰過日本高速公路 pit 嗰啲，叉燒勁肥，豬軟骨都仲算可以。可惜湯唔夠熱，啲油浮晒面，食落一口油。小食多春魚，炸粉勁厚小食餃子，一般日式，可以接受小食炸雞算係成晚最好味埋單差唔多五百，同 waiter 講味度唔好，唔啋呢照收嘢。唔知係咪因為太難食，差唔多包場。

去開九龍灣個頭，老公話不如係megabox到等，我一早去到行曬成棟megabox，都係覺得呢間凍烏冬最吸引。Megabox 平日真係冇嘜人流，每間餐廳都有好多位，隨時直入都冇問題。之前試過味吉嘅拉面非常之嘅麻麻，但佢嘅凍烏冬反而非常出色，食過番尋味。凍烏冬每一次都只係得兩款選擇，我地一心想嚟食充滿蒜香嘅本格牛肋肉凍烏冬，可惜餐廳轉左做吉列豬扒或者吉列蝦。雖然有啲失望，一場嚟到，最後叫左兩份吉列豬扒凍烏冬。吉列豬扒凍烏冬: 成個上碟嘅畫面好有日本感覺。凍烏冬嘅份量好多，入口冰涼彈牙。烏冬汁應該係鏗魚汁，提供左青葱，薑蓉，wasabi，隨個人口味加落烏冬汁，好似沾面甘食。 吉列豬扒亦好大件，炸得好香脆，入面肉質淋滑，提供埋吉列醬點。烤豚肉串: 係豚肉大䓤串，雖然豚肉彈牙，但係非常淡口，冇嘜味，下次唔會再叫。希望佢將來會推出番牛肋肉凍烏冬啦！

呢排係九龍灣番工，放工朋友就建議近近地去megabox 食下野，仲介紹左呢間拉麵店，其實我一諗起megabox就係想食Ikea😝但既然朋友出到聲，就當然順佢意試下新野啦🤓7點去到店面，有大量位置，正，唔使排隊入得。之後叫左個墨魚汁沾麵，朋友先前食過湯拉麵，佢就繼續叫豬骨湯拉麵😋等左15分鐘到，麵就送上了。感覺唔錯，有兩塊叉燒，半隻糖心蛋，之後攪一攪湯底，仲見到裡面有一塊叉燒，即係合共三塊～ 合理！一試湯底。第一感覺好鹹，而且唔太覺有墨汁味，拎起麵再放落湯，掛麵程度低，另外麵碗上仲有好多水，即係甩麵既時候甩得唔夠😟相比起之前食過的沾麵。呢間算不太合格。總結：唔算難食，但絕對唔會有興趣再encore。至於朋友的豬骨湯拉麵，我無試過，但佢口吻就評價唔錯。我諗應該拉麵會好過沾麵～ 抑或人人口味唔同～ 但墨汁沾麵真的不太推介

相當喜歡行 Mega Box, 地方大，人流唔算太高。加上餐廳選擇多，價錢亦尚算 OK.  今次幫襯拉麵店，係因為剛剛喺屋企睇完介紹日本拉麵既飲食節目。突然好想食拉麵。環境：地方尚算寬闊，無擠逼感。乾淨企理。服務：很好。店員見我地有手抱BB, 刻意安排大卡位給我們二人。食物：特選博多濃厚豚骨拉麵湯底非常濃郁+流心蛋。相當好食。叉燒略為過肥。特選激辛赤吉豚王拉麵辛辣程度剛剛好(我們只點了少辣)，配流心蛋好好食。叉燒都係略為過肥。香煎牛舌正！非常香口。質感一流。芝士肉醬餃子芝士太多，好"漏"，餃子餡料味道完全被蓋過。整體幾好，值得一試！

睇menu以為好食，點知原來好普通，無必要專登食，我叫左墨汁湯，侍應好細心，驚我彈到件衫比張大紙巾我遮住，男友人食少辣嘅紅色湯，都係普普通通，另外叫左肉醬餃子，都幾好味。

今日放工嚟行街，先同媽咪食個簡單嘅Dinner先。有日本拉麵引嘅我，一見到拉麵店就忍唔住，哈哈，門口大豬嘜就將我吸咗入去了。墨魚汁嘅食物好少有，所以我叫晒，先嚟個墨魚汁拉麵，再嚟個墨魚汁煎餃子，而媽咪就揀咗普通嘅豚肉拉麵，最後仲加咗個炒野菜添。整體嚟講，味道就一般咗D，感覺就好似屋企自己煮嘅日本一包包嘅拉麵咁，可能係因為個湯，佢個味道唔夠濃，豚肉如果可以軟D就更好。而個炒野菜比較油，還好嘅係個墨汁餃子都唔差。

今次第一次幫襯, 因為食個lunch太趕, 唔記得映相添, 大家見諒.一坐底就立即決定咗”東京極上牛骨醬油湯拉麵”我好少有地咁快決定, 就係因為太快連相都唔記得映, 食完先醒起….Lunch時間上菜都好有效率, 叫咗5-6分鐘就有得食, 我今天想食清清地, 呢個真係無揀錯, 鍾意食清湯嘅朋友仔記住叫呢款喇, 雖然話清清地咋, 其實唔會淡, 好有牛味, 尤其個3件牛肉, 唔知係乜部份, 有少少脂肪分佈, 但牛肉好出, I LIKE IT. 拉麵係中度口感, 啱晒我.   下次再來嘅時候要試下其他拉麵先, 我諗應該都幾好味.

晚餐時間，客人唔多，餐廳都坐得舒服。我們叫了海鮮鐵板炒飯（唔多好味）、串燒雞奕（這個ok，食到阿仔）、海鮮烏冬（這個也不錯）、雞軟骨串（份量太少）。侍應態度殷切，只是消費較貴。飲品：巨峰提子骨膠原乳酸，好味甜酸比例剛好，當中有一些「骨膠原」（其實不知道是甚）似啫喱，很不錯