更多
2017-07-08
5197 瀏覽
見有地方介紹，今日又嚟開呢頭做野，於是試吓。上到嚟，裝修都不錯，環境都OK，冷氣夠多。lunch set食到5點，不過我2點嚟到，7個餐入面2個餐都賣晒，意粉又冇晒，其實得返4個選擇番茄薏米湯非常杰，好厚都唔緊要，鹹得咁緊要做乜事？薏米硬得咁緊要又做乜事？我從來都唔浪費食物，一定會食晒啲野，但實在呢個湯差到飲咗一半我放棄香煎豬扒拌葡式汁飯 ($68)上菜時，已經見到塊豬扒係勁鞋勁乾身，切開後係一啲都唔熱嘅，完全辣口嘅感覺都冇，可以叫做係室溫！香煎？邊忽係香煎？冇肉味，冇煎嘅香味，根本就唔係即煎嘅豬扒；由於豬扒太乾嘅關係，唔點葡汁我根本食唔到，但奈何葡汁凍到喊，又少，唉，點呀！！！諗住食飯啦，唔係呀嘛飯又係凍冰冰又硬嘅？！乜唔係喺電飯煲入面keep warm㗎咩？點呀，乜都凍嘅，連伴碟嘅豆都咁凍，你煮得好，收$168我都會照食，但咁樣你收$68？唔該大廚起菜前，睇一睇先啦好無？乜都凍嘅，點食呀？我去大家樂啲野食都起碼熱辣辣即煮吖，我就係想試小店先嚟食啫，咁樣我唔好去食大家樂好過？手打流心芝士牛肉漢堡 ($88)我只可以咁樣去形容呢個burger，無咁大個頭唔好戴咁大頂帽OK？塊麵包大到不
番茄薏米湯
非常杰，好厚都唔緊要，鹹得咁緊要做乜事？薏米硬得咁緊要又做乜事？我從來都唔浪費食物，一定會食晒啲野，但實在呢個湯差到飲咗一半我放棄
香煎豬扒拌葡式汁飯 ($68)
上菜時，已經見到塊豬扒係勁鞋勁乾身，切開後係一啲都唔熱嘅，完全辣口嘅感覺都冇，可以叫做係室溫！香煎？邊忽係香煎？冇肉味，冇煎嘅香味，根本就唔係即煎嘅豬扒；由於豬扒太乾嘅關係，唔點葡汁我根本食唔到，但奈何葡汁凍到喊，又少，唉，點呀！！！諗住食飯啦，唔係呀嘛飯又係凍冰冰又硬嘅？！乜唔係喺電飯煲入面keep warm㗎咩？點呀，乜都凍嘅，連伴碟嘅豆都咁凍，你煮得好，收$168我都會照食，但咁樣你收$68？唔該大廚起菜前，睇一睇先啦好無？乜都凍嘅，點食呀？我去大家樂啲野食都起碼熱辣辣即煮吖，我就係想試小店先嚟食啫，咁樣我唔好去食大家樂好過？
手打流心芝士牛肉漢堡 ($88)
我只可以咁樣去形容呢個burger，無咁大個頭唔好戴咁大頂帽OK？塊麵包大到不得了，塊手打牛肉細到呢，如果你塊牛肉係咁細，咁你塊麵包就唔好咁大啦，咁咪顯得塊牛肉仲細囉！麵包似乎係啱啱烘好，不過都係微暖嘅，係微暖！牛肉唔熱嘅，又話即叫即煮所以要10分鐘，即煮點會唔熱㗎？！唉！切開就真係有芝士嘅，不過冇芝士味囉；旁邊嗰兩塊薯仔叫做OK啲，不過都係冇味，救命
愈食愈火滾，點解可以咁求其煮啲野出嚟俾人食？究竟你哋知唔知supposed係熱嘅食物但搞到室溫咁食係非常核突㗎？根本我食咁多樣野，豬扒、葡汁、豆、飯、牛肉、麵包，全！部！都！唔！熱！㗎！你好意思收$68一個飯，$88一個burger？？？？？？？仲要嘥我$40停車場錢嚟食！我係鍾意四圍食，亦都唔係次次揀嘅都好味，但真係好少中伏伏得咁緊要！你真係攞冠軍呀！
張貼
