245
20
5
港鐵荃灣西站 B 出口, 步行約8分鐘 繼續閱讀
電話號碼
39563926
特色
浪漫情調
包場派對
附加資料
週末丶公衆假期及晚市將另收加一服務費。 晚市消費免費泊車,消費滿$400送一小時,消費滿$800送兩小時。
營業時間
今日營業
11:30 - 22:00
星期一至五
12:00 - 22:00
星期六至日
11:30 - 22:00
公眾假期
11:30 - 22:00
付款方式
Visa Master AlipayHK 支付寶 現金 八達通 銀聯 JCB 微信支付
座位數目
50
其他資料
網上訂座
Wi-Fi
支持減塑 詳細介紹
泊車 詳細介紹
加一服務費
當面支付
有關獎賞計劃
食評 (291)
等級4 2020-11-20
667 瀏覽
今天被朋友帶了到荃灣工業區的其中一座工業大廈,他說有間餐廳挺好吃的所以帶我來試試。去到才發現原來我之前也來過,不過是吃另一間餐廳,想不到竟然同一座大廈也有那麼多好吃的餐廳呢!坐下以後,看完餐牌,發現叫套餐的性價比最高,有餐包,湯,主菜,甜品,還有飲品!一次過滿足了你所有的願望!所以我便叫了法式香草烤雞(半隻)配意粉,價值168元。牛油法包+餐湯這裡的牛油法包就沒有烘過的,所以吃起來是軟軟的,有麵包淡淡的香味,配上了牛油,是輕盈的開胃菜。今天的餐湯是南瓜湯,能喝到南瓜蓉,味道清甜可口!法式香草烤雞(半隻)配意粉這個雖然餐牌說要等40分鐘,但實際約20分鐘就送到了!這個烤雞應該是春雞來的,大部分的骨已經去掉了,所以可以很輕鬆就用刀切開。雞皮烤得超過鬆脆,吃起來完全不會有油膩感,不過就要留意的時候可能會有爆汁的機會!雞肉吃起來也不會乾,再配上旁邊酸酸甜甜的醬,更能去除本來的油膩感覺,雞肉更加好吃!旁邊還有沙津,配了柚子醋,份量挺多,吃起來很清新。最後是意粉,是香草蒜蓉牛油味的,味道很濃,十分惹味,意粉軟硬適中,很推薦選配意粉!甜品當天有4款可供選擇,3款芝士蛋糕,1款忌廉蛋糕,我個人喜歡忌廉蛋糕多點就選了。這個忌廉蛋糕面上的是宇治抹茶味的忌廉蛋糕,配上香濃的牛油蛋糕底,中間還有點堅果碎,而且忌廉不會感覺膩,吃起來口感豐富,很好吃!這個蛋糕挺有特色的!飲品我就好普通地選了凍檸茶,挺大的一杯,不會太甜,正常水平! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-07
4318 瀏覽
之前睇到海景嘅呢間,想嚟好耐,終於book咗前(5-9-2020 Sat)晚2位,book嘅時候註明想要海景位,我哋早幾個字到,店員都俾入座,亦見到佢有寫低我嘅要求,不過都依然會話我知仍可揀bar枱(即對住海景)或普通枱坐,我哋最後仍決定坐bar枱.睇完menu後,要咗兩個set dinner,一個係$138.00嘅蜜糖芥末素牛肉漢堡(配香草薯條及田園沙律)同$158.00嘅煎封慢煮鴨腿配自家製無花果醋,要意粉.第一樣到嚟嘅.梗係廚師餐湯同牛油法包先.1. 牛油法包俾咗3件我哋,因為話今次法包比較細件,但我睇其他食評相,睇見每件都比呢次嘅大一倍.呢個食落味道清淡,都仍脆嘅. 味道: 2.5分2.廚師餐湯係羅宋湯撈上嚟睇,有好多料,微微嘅酸辣味,唔錯.味道: 3分3. 老公加$38.00要3件黃金廣島蠔都幾大隻,煎得好脆,好味.味道: 5分4. 蜜糖芥末素牛肉漢堡(配香草薯條及田園沙律)件素牛肉漢堡做得好真,連切開睇都係,口感亦做得到,又鬆軟,高超.內裡重有一片菠蘿,但我唔係好食得到蜜糖芥末味.味道: 4分而香草薯條呢?sorry,我唔睇返menu都唔記得係香草薯條,因為根本睇唔見有香草,更加食唔出;而薯條已經唔脆.味道: 1分田園沙律就有啲誠意,面上粉紅色嘅,係用醋醃過,微酸又爽脆.味道: 5分5. 煎封慢煮鴨腿配自家製無花果醋意粉端上嚟時係熱騰騰,食落,味道濃郁,醮無花果醋意感覺得意,不過個人覺得唔醮都得.味道: 5分意粉就只係用橄欖油煮熟就算,口感係唔會腍晒嗰隻.味道: 3分6-7. 餐茶我要熱檸水,老公要加半價惠,即$15.00嘅凍冬薑檸檬蜜.熱檸水正常冇問題.味道: 3分凍冬薑檸檬蜜就真係幾辣,老公自己飲晒吧.味道: 3分8-9. 甜品~精選蛋糕或雪糕問店員有咩嘢時?佢就問我哋係咪冇menu?咁佢拎俾我哋睇,同時話日式芝士蛋糕同抹茶芝士蛋糕都冇晒.咁我哋就揀栗子蛋糕同藍莓雪糕.藍莓雪糕好夠味,應該唔係自家製,就唔計分.栗子蛋糕,面上栗子蓉唔太甜,蛋糕軟熟冇問題.味道: 5分環境:文青得嚟亦有家嘅感覺,好舒服.服務係 4.5分題外話:食完後,老公話呢餐係我嘅生日飯. 繼續閱讀
(以上食評乃用戶個人意見 , 並不代表OpenRice之觀點。)
趕上新一期限聚令之前o既尾班車,來到呢間工廈café。地方四四正正,走o既大致上都係白色、木系呢d 簡約風o既路線,而一面牆o既櫃則擺滿書籍、棋類,仲有一個corner display 住唔少同可樂相關o既收藏品,整體上又增加番d 文青氣息。如果日o抖黎,外面會望到海添~晚餐永遠都比單叫抵,尤其佢以5 個course 為基本,可以自由加錢,再加配一客前菜,或者升級靚d o既甜品、餐飲咁,豐儉由人。跟餐先有一份餐湯同法包,呢度o既法包係無烘過或者只係烘o左好短時間,內裡個芯仲係軟綿綿的~試o左一個蜜糖芥末素牛肉漢堡配香草薯條及田園沙律($138 未加一),係menu 中o既推介之一。素牛肉都唔係第一次食,不過配搭burger 好似就係第一次。如果拎出o黎,你會見到同一塊普通真牛肉係一d 分別都無,又係有d 肉質纖維,有d 好似係脂肪組織咁,但係佢就環保得多,而且食落一樣咁juicy 味美!以蜜糖芥末烹調,味道甜甜的。個Impossible burger 裡面仲有大片菠蘿、芝士同生菜等等,精明飽肚之選。另外伴碟o既沙律,淋上少少甜醋,酸甜開胃。至於薯條o既香草味我覺得就唔算話好出。甜品絕對係今餐o既重點之一,就算唔使加錢都已經超多選擇,可以從多款口味o既雪糕or 蛋糕任揀一個。好多都想試呀!最後揀o左栗子忌廉蛋糕。上面鋪住一層厚厚o既栗子蓉,味道唔會好甜,作為點綴剛好。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-07
22 瀏覽
來過一次荃灣The 5B cafe, 讓我回味無窮,特別喜歡這裡的環境,有打卡靚位,有好多書籍可以邊嘆tea 邊看書,有無敵海景,真係好舒適的環境。這次刻意帶朋友到這家Cafe 試下,夜晚來仲有個夜景,真係感覺不錯。這裡西餐為主,我們點了好多好吃的,第一份主食是香煎慢煮鴨腿跟意粉,慢煮是最近流行的做法,雖然需要一點時間,但真係值得,這個鴨腿做到特別嫩滑,又香,送意粉食真係好開胃。烤雪梨醬美國牛肩肉,我們能吃生點,所以安排了5成熟,的確做得5成熟,肉質也算嫩滑,有嚼勁好吃。西班牙火腿拼蜜瓜和白酒紀廉煮青口就是很好吃的前菜,特別這個青口,一共5顆,超級好吃入味,一定要點啊。除了主食,還有餐湯跟同多士,加埋野飲。另外甜品有朱古力心太軟同冧酒車里子配雪糕,真係豐富到不得了,食物水準有保證,環境又食得舒適,真係可以坐成晚談天說地,渡過一個愉快的夜晚。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-01-04
57 瀏覽
住左荃灣咁奈,都好少有去附近工厦食,因為朋友提起,咁都心旭旭去試下,去到,人地問起有冇book位,先知原來都book得幾full下,加上又有限聚令,本身唔多嘅位就更加少,但好彩因為我地早去,所以都仲有wall in位,**如果唔想摸門釘,就最好book定位先去啦~侍應安排我地坐單邊窗口位,其實個位都幾好坐,雖然前面有條天橋,但都睇到海景,最緊要係夠光,係充滿日光嘅環境下,心情都爽啲。我地order 左乾番茄炒意粉 & 慢煮黑毛豬意粉都好夠味,係足料嘅,加上份量都唔少。黑毛豬比我想像juicy,如果可以前到脆邊就更正,自家製嘅蘋果醬味道好神奇,紅色嘅部分甜甜地,但有籽個部分又咸又酸,但mix埋嚟食個味道又唔會雜,係幾唔錯但意粉就冇乜味,仲有啲油。之後嘆返杯樽仔奶茶,奶味係夠嘅,有啲似塔門嘅奶茶。整體嚟講:性價比係average 以上,有機會下次會再嚟 繼續閱讀
(以上食評乃用戶個人意見 , 並不代表OpenRice之觀點。)