影片
更多
2021-05-02
42 瀏覽
最近同朋友去左呢間位於觀塘嘅Lagom Kaffe, 餐廳面積都算幾大，有唔少露天座位，成個感覺幾開揚，天氣好嘅時候一邊食野一邊曬太陽，感覺應該幾唔錯。食物方面選擇就唔算好多，價錢相對黎講都較貴，味道一般，性價比唔高，我地當日叫左下面呢幾樣野食：✨伯爵茶芝士蛋糕（$62）我地落單嘅時候係甜品同main course一齊落，但店員就上左個甜品先😂因為佢地話如果同一時間落單就控制唔到上菜嘅次序，呢方面有待改善。味道黎講個人覺得伯爵茶嘅味道唔算好濃，食落更貼近普通嘅cheese cake多啲，唔算好突出。✨台灣風味牛肉千層麵（$148）成餐飯相對令人滿意嘅一道菜，其實同平時係其他地方食到嘅千層麵分別都唔大，較為特別嘅係佢嘅醬汁會稍為有少少四川嘅麻辣味，但只係好輕微，唔食辣嘅朋友都可以試下。✨干貝燻鮭蘆筍燉飯（$178）呢個飯算係我食過比較差嘅risotto 。口感黎講犯左港式risotto 常犯嘅錯誤——唔係用意大利米，食落口感過於軟腍。味道亦都普通得冇得再普通，有少少似罐頭忌廉蘑菇湯嘅味，只係加多左帶子同三文魚等配料，個人覺得唔值呢個價錢。✨莓莓乳酪燕麥奶搖/玉桂蘋果燕麥奶搖（$48 ea
最近同朋友去左呢間位於觀塘嘅Lagom Kaffe, 餐廳面積都算幾大，有唔少露天座位，成個感覺幾開揚，天氣好嘅時候一邊食野一邊曬太陽，感覺應該幾唔錯。食物方面選擇就唔算好多，價錢相對黎講都較貴，味道一般，性價比唔高，我地當日叫左下面呢幾樣野食：
✨伯爵茶芝士蛋糕（$62）
我地落單嘅時候係甜品同main course一齊落，但店員就上左個甜品先😂因為佢地話如果同一時間落單就控制唔到上菜嘅次序，呢方面有待改善。味道黎講個人覺得伯爵茶嘅味道唔算好濃，食落更貼近普通嘅cheese cake多啲，唔算好突出。
✨台灣風味牛肉千層麵（$148）
成餐飯相對令人滿意嘅一道菜，其實同平時係其他地方食到嘅千層麵分別都唔大，較為特別嘅係佢嘅醬汁會稍為有少少四川嘅麻辣味，但只係好輕微，唔食辣嘅朋友都可以試下。
✨干貝燻鮭蘆筍燉飯（$178）
呢個飯算係我食過比較差嘅risotto 。口感黎講犯左港式risotto 常犯嘅錯誤——唔係用意大利米，食落口感過於軟腍。味道亦都普通得冇得再普通，有少少似罐頭忌廉蘑菇湯嘅味，只係加多左帶子同三文魚等配料，個人覺得唔值呢個價錢。
✨莓莓乳酪燕麥奶搖/玉桂蘋果燕麥奶搖（$48 each)
飲品賣相都幾吸引，莓莓果杯味道較佳，飲落有微酸嘅草莓味，成個感覺幾清新。玉桂蘋果果杯飲落就只係得玉桂味，蘋果味完全唔見左😂好似飲緊玉桂milkshake咁，唔推薦。
張貼
