大公館

營業中

休息中

今晚約左幾個姐妹食飯吹水，大家都好喜歡食粵菜，所以就揀左呢間試下。地方乾淨懷舊，環境清幽帶柔和音樂，桌子和椅子非常寬敞舒適。餐牌精美帶大紅色，中間有兩個獅子頭門鎖，整得非常細緻，可見手工不錯，夠晒霸氣。川味口水竹絲雞半透明帶啫喱狀既厚切竹絲雞片，食落去軟棉棉帶點涼意，睇落去好辣，但食落去原來係唔辣亦唔會太油。金甲脆魚皮用蛋黃醬染蓋魚皮，炸到金黃色，香脆可口，份量都算多，整到層層疊既特色，我地四個都食唔哂。桂花蜜燒去骨鴨腳包表面有片桂花瓣作裝飾，鴨腳包住帶甜甜既叉燒，肉質軟嫩還帶暖暖的，一片放入口剛剛好，口感幾特別。三色藜麥金沙蝦球蝦球好大粒，蛋黃漿和粉伴在一起再炸，香脆粉薄，蝦球爽口彈牙，非常滋味。脆香豆酥蒸銀雪魚球厚切片既銀雪魚，配上些少炸蒜，底下有蒸蛋墊住，蒸出黎既魚唔會太鞋，火喉剛好，魚肉嫩滑，岩晒我口味。黑松露和牛沙窩飯炒飯比較乾身，非常香噴噴，和牛粒份量多，好重牛肉味，天氣凍食時，沙窩仍然可以保持內熱，真係好適合而家食。金箔芝麻卷懷舊芝麻卷真係唔係周圍有得食，即叫即蒸，送到黎仲係熱辣辣超軟熟，好香芝麻味，呢個真係必食，非常難得。