影片
更多
2023-03-01
849 瀏覽
前排同友人又去左嘉里酒店飲茶之前都去過幾次覺得各方面都唔錯今次又再試試其他野⭐️花雕醉鴿賣相唔錯 醉鴿大部分已起骨 食得方便但鴿肉肉質亦普通 加上唔夠入味 酒味偏淡 唔夠酒香 普通⭐️桂花糖脆鱔球每次必點 鱔球大大件好厚肉 又冇骨外脆內軟 桂花味清香突出 但今次甜左少少呢個記得趁熱食 凍咗冇咁好食⭐️鱘龍魚子富貴蝦餃面層用上魚子作點綴外層餃皮 厚薄適中 帶少少韌性內餡用上賴尿蝦肉 肉質結實帶爽可惜有唔少唐芹 我真係搞唔掂🙈🙈⭐️蝦子遼參和牛面札牛面札 外層曬左蝦子用粗麵包扎內餡有和牛 遼參 淮山等和牛軟嫩入味 遼參爽彈 淮山爽脆呢個配撘幾特別 ⭐️鮑魚雞粒酥一口size 比想像中細隻鮑魚軟腍彈牙 內餡都算足料 調味適中撻底鬆脆 有牛油香 味道唔錯⭐️巴馬火腿黃橋燒餅燒餅酥脆 肉餡帶少少鹹香 味道可以 但唔算好特別⭐️X.O.醬炒日本大根蘿蔔糕炒得乾身 味道微辣 幾惹味蘿蔔糕 蘿蔔比例多 清甜多汁 唔錯總結：食物中上 相對無上幾次咁出色環境唔錯 雖空間感唔算好好 但景觀開揚 座位闊落 都坐得舒服服務唔錯 價錢合理 可以一試提外話😅之前介紹左呢度比幾個朋友幾個朋友都表示呢度出品好唔穩定個人亦覺得出品一直
前排同友人又去左嘉里酒店飲茶之前都去過幾次覺得各方面都唔錯
今次又再試試其他野
⭐️花雕醉鴿
賣相唔錯 醉鴿大部分已起骨 食得方便
但鴿肉肉質亦普通 加上唔夠入味
酒味偏淡 唔夠酒香 普通
⭐️桂花糖脆鱔球
每次必點 鱔球大大件好厚肉 又冇骨
外脆內軟 桂花味清香突出 但今次甜左少少
呢個記得趁熱食 凍咗冇咁好食
⭐️鱘龍魚子富貴蝦餃
面層用上魚子作點綴
外層餃皮 厚薄適中 帶少少韌性
內餡用上賴尿蝦肉 肉質結實帶爽
可惜有唔少唐芹 我真係搞唔掂🙈🙈
⭐️蝦子遼參和牛面札
牛面札 外層曬左蝦子用粗麵包扎
內餡有和牛 遼參 淮山等
和牛軟嫩入味 遼參爽彈 淮山爽脆
呢個配撘幾特別
⭐️鮑魚雞粒酥
一口size 比想像中細隻
鮑魚軟腍彈牙 內餡都算足料 調味適中
撻底鬆脆 有牛油香 味道唔錯
⭐️巴馬火腿黃橋燒餅
燒餅酥脆 肉餡帶少少鹹香
味道可以 但唔算好特別
⭐️X.O.醬炒日本大根蘿蔔糕
炒得乾身 味道微辣 幾惹味
蘿蔔糕 蘿蔔比例多 清甜多汁 唔錯
總結：食物中上 相對無上幾次咁出色
環境唔錯 雖空間感唔算好好
但景觀開揚 座位闊落 都坐得舒服
服務唔錯 價錢合理 可以一試
提外話😅之前介紹左呢度比幾個朋友
幾個朋友都表示呢度出品好唔穩定
個人亦覺得出品一直退步
希望餐廳可以留意改善下
張貼
