麻市滋味館 (已結業)

朋友急call 晚飯冇人陪， 天寒地凍唔多想去 ，但話佢請，當然 yeah 啦。約了在油麻地街市等，帶我去了麻市滋味館食，唔算難搵，同一條街附近。入口處有海鮮水族缸店舖唔算大，有幾張大枱3張卡位，幸好我們早到可以坐到卡位，環境算乾淨企理。套餐抵食，叫了孖寶， 沙巴龍躉 + 蒜蓉粉絲蒸貴妃蚌老板推介冰鎮鮑魚， 兩隻都可以，65元一隻，朋友話 ok, 佢比錢，我無意見。鮑魚真是冰上，難得洗到好乾淨，食過一些全部黑色邊未清潔的，如此衛生，要讚鮑魚入口冰涼，天冷食涷海鮮，特別醒神，肉厚味鮮有咬口，調味的 wasabi 都無用到，食原味，very good 貴妃蚌大隻，洗得好乾淨無沙， 粉絲吸盡了蒜蓉和貴妃蚌的鮮味，非常好食， 蚌肉鮮甜美味， 好在有5隻，可以大塊朵頤！沙巴龍躉蒸的時間剛好， 肉剛離骨唔靭，肉味鮮甜家鄉大盆菜, 老闆極力推薦, 本來想叫上湯菜苗, 試下新菜式都無妨。 類似炒雜菜， 但是用福州椰菜花， 花身較幼細清甜，配上秘製汁炒非常惹味， 最欣賞是加了銀杏，有少許苦澀但有口感冰梅肉排， 走油炸完之後加上冰糖芡汁， 比咕嚕肉更加好食。叫了芒果布甸甜品， 滑滑可口， 多謝朋友豐富的一