囍越 (屯門市廣場) (已結業)

屯門真系唔多越南菜食，試過食過其他兩間都真系差差地。見到呢間開冇幾耐既 What The Pho，之前一直以為系西餐廳，尋日停低睇真d 先知道原來系賣越南菜！本來都系諗住好耐冇食越南菜咪試下咯的心態入去，估唔到d 野食又ok窩！先黎一個沙爹串燒，d 醬汁ok窩，而且d 肉質都唔錯，唔會太奀。之後食左個蛋網海鮮炒金邊粉，蛋網呢樣野幾有新鮮感，但食落去就唔算太特別。系最令人意想不到，d椒鹽味好香，咬落去幾脆！牛油雞翼都香，但每隻既size 細左d。香茅豬扒味道ok，但唔會有哇一聲的感覺。整體黎講食物質素都算唔差，服務就ok啦。試過之後，覺得間唔中食下都ok。