嘉寶漢堡 (已搬遷) 新店位置

機緣巧合下因為錯過左一件事，最後成就左食呢個漢堡。其實之前都想試嫁啦，可惜次次經過都好多人，又熱又怕排隊既我，終於等到呢日人少少，即將開鋪既時刻試下。咁我叫左個烤菇芝士牛堡再加套餐薯條連汽水。但坐位真係幾迫下，同邊既食客差唔多手撞手咁滯。講番野食，薯條未炸好，所以漢堡先上，拎上手都feel到份量唔錯，而肉汁真係流到成手都係..我同旁邊既食客都食得有少少狼狽，不過炸堡味配埋牛肉同芝士再夾雜埋生菜蕃茄，沒有油膩感，味道真係比想像中更好食。食到半路，薯條到了，本想拎一條上手試下，一拎上手熱到放番低，差唔多食曬個包，用佢支竹籤吉黎食就fit曬，薯條有少量既鹽，帶少少皮，唔會炸得過龍。呢間小店其實不嬲都係幾有人氣嫁啦，不過呢次食到真係覺得名不虛傳呢！完。