影片
更多
2018-05-25
1597 瀏覽
適逢屋企人生日，所以就無煮飯，出左去食。見未試過北京樓，就膽粗粗行左入去，然後三個人，叫左個四人餐。首先前菜1：杭州芳香煎腐方係凍食，味道甜甜地，似腐皮壽司塊腐皮卷埋。前菜2:七里莊酒糟醉雞雞既酒味好濃，肉係滑既。主菜1:燕液海王羹料幾足，味道清淡，唔錯唔錯。佢會幫你分好第一碗，有剩就自己黎，可以加胡椒粉。主菜2:彩椒油爆雙仙雙仙就係蝦同埋帶子，兩樣都大大粒，而且啱啱好四粒，一人一粒（呢個係四人餐）。蝦球好爽口，帶子好嫩滑，唔會老，呢個係全餐最滿意既菜式。主菜3:烤北京填鴨填鴨皮係脆既，而且油香十足，但係就有少少膩，包左幾舊就有啲頂唔順。呢個四人餐係包埋配料既，有青瓜同埋大蔥，麵餅有十幾塊，加左亞麻籽整既，都幾特別，但係亞麻籽味道太濃，略嫌蓋過左其他食材既味道。主菜4:蒜子奶湯浸時蔬時蔬係綠芽菜，幾驚喜（食呢啲最驚見到大白菜）。味道清淡，幾啱我地胃口。主菜5:家常整魚方魚係普通既，魚四方形，大大塊，好厚身，食落算實淨，滑身，唔會霉。魚方上面黑色一條條既幾香口，而且脆，我覺得係大頭菜，但係問左服務員，佢地都答唔出係咩。主菜6:北京人家小蔥拌麵其實食到厚半部分，都飽得差唔多。呢個面又係粗麵
首先前菜1：杭州芳香煎腐方
係凍食，味道甜甜地，似腐皮壽司塊腐皮卷埋。
前菜2:七里莊酒糟醉雞
雞既酒味好濃，肉係滑既。
主菜1:燕液海王羹
料幾足，味道清淡，唔錯唔錯。佢會幫你分好第一碗，有剩就自己黎，可以加胡椒粉。
主菜2:彩椒油爆雙仙
雙仙就係蝦同埋帶子，兩樣都大大粒，而且啱啱好四粒，一人一粒（呢個係四人餐）。蝦球好爽口，帶子好嫩滑，唔會老，呢個係全餐最滿意既菜式。
主菜3:烤北京填鴨
填鴨皮係脆既，而且油香十足，但係就有少少膩，包左幾舊就有啲頂唔順。呢個四人餐係包埋配料既，有青瓜同埋大蔥，麵餅有十幾塊，加左亞麻籽整既，都幾特別，但係亞麻籽味道太濃，略嫌蓋過左其他食材既味道。
主菜4:蒜子奶湯浸時蔬
時蔬係綠芽菜，幾驚喜（食呢啲最驚見到大白菜）。味道清淡，幾啱我地胃口。
主菜5:家常整魚方
魚係普通既，魚四方形，大大塊，好厚身，食落算實淨，滑身，唔會霉。魚方上面黑色一條條既幾香口，而且脆，我覺得係大頭菜，但係問左服務員，佢地都答唔出係咩。
主菜6:北京人家小蔥拌麵
其實食到厚半部分，都飽得差唔多。呢個面又係粗麵，實在係無咩吸引力。味道就正常，蔥油幾香，無咩特別驚豔，要睇你本身鍾唔鍾意食呢種面。
主菜7:無錫灌湯小籠包
小籠包算係呢一餐比較失色既菜，同外面酒樓食到個啲分別唔大，湯有少少油口，香氣比較膩，唔太推介。
甜品：香滑椰汁糕
椰汁糕味道偏甜，屬於爽口型糕點（唔煙韌），裡面有馬豆，比較硬，加左味道上唔咩唔同，感覺可有可無。
整體黎講，呢一餐質素係高既，上菜由清淡到油膩，我比較鍾意開頭清淡既菜式，可以一啖接一啖不停食，比較重口既就真係一般般。
張貼
