肉骨皇 (已結業)

結婚一個月，突然有個諗法，就係想記下每日同老公去過食過既地方，留下美好既回憶。於是就選擇左屋企樓下既一間星馬餐廳作為屬於我倆美食日記既開始。鑑於之前同朋友聚舊去過呢間食午市，環境唔錯但衰在唔知邊度傳來啲異國語言電視聲非常吵耳，影響我地傾計，於是決定睇完直航殺機先黎食，希望可以安安靜靜甘食一餐飯。睇完戲黎到約9點半，我地好快手就點左個肉骨茶，跟住就叫咩冇咩……涼伴海參黑木耳(冇)……蝦醬椰菜椰(冇)……馬六甲魚餅(冇)……一直再有好幾樣都係冇，我心諗有咩野係有？幾經辛苦終於點多個羅惹沙律同燒豬頸肉。湯好香濃，甜帶回甘，排骨有入口即溶既感覺，值得推薦汁甜甜辣辣，有啲梨同葛，食落chop chop聲，幾好味皮燒到脆脆地，ok冇咩特別事前打去問明明係10點半last order，點知10點1左右已經見到啲廚師換晒衫攞埋袋出黎準備走，雖然完全唔飽但搞到我地都唔好意思再加單，有啲趕客既感覺，所以我地都快快食完快快走。