上海小南國 (時代廣場) (已結業)

通常時代廣場上面個啲可以訂位既餐廳服務都比較好，不過呢間同我想像有啲出入，唔係話差，不過有啲平時有既野無咗，評價如下：味道：啲前菜幾好味，哈哈，其他個啲都可以，正正常常咁，無話特別好食但亦唔差份量：可以呀，都幾飽，唔知係咪因為兩個人所以覺得好夠舒適：二人枱，張枱都夠位放野食，可以呀服務：呢樣有啲特別，因為佢哋既職員態度係完全無問題既，問題個人認為出係員工培訓方面，點解我咁講呢1, 叫左沙窩雲吞雞，但個湯嚟到個男侍應放低咗兩隻碗完全無打算幫你裝2, 成餐飯無過嚟幫我哋加過一次茶或水我唔知小南國入於中下餐廳定中等餐廳，但我未試過係時代11至13樓類似酒樓類別餐廳試下叫一窩湯無人幫我哋分，所以覺得怪怪地價錢：開係果個位嚟講，價錢適中，唔算貴但點都唔係平。