成都老碼頭火鍋 (已結業)

今次我地係星期日晚黎到老碼頭打邊爐了，好在有卜枱，因為老碼頭通常都好爆架。湯底方面，我地今次嗌左豬骨湯，無諗到原來有咁多料，而且係誇張到我地會有左兩碗湯，真係幾好飲。食材方面，首先講下牛柳粒同雪花肥牛，份量足夠，牛柳粒好有牛味，而雪花肥牛係肥瘦剛好。牛黃喉都幾爽，唔使煮好耐，而鴨血，就算叫半份都係好多塊，質素唔錯。另外，仲嗌左手打黑松露牛丸，肉質扎實，肉味夠。芝士小籠包細細粒，但係芝士流心餡係不得了，勁香濃。再加埋即炸響鈴，無論即食，烚幾下黎食都係掂。呢間店咁旺唔係無原因，因為黎食野又有折扣優惠，食物質素同份量都係好足夠。