查理布朗咖啡專門店 (已結業)

環境不錯，難得星期五夜晚食野唔駛等位。點左煙三文魚香草包三文治、芒果雞肉沙律、焦糖咖啡、南瓜湯、甜品心太軟同埋窩夫。芒果雞肉沙律- 雞肉同芒果切成薄片，大約各五片。雞肉略為鞋d、幾un，而菜既份量都少。(見到薯仔沙律廿幾蚊都幾好味)煙三文魚香草包- 大份，煙三文魚幾多，香草包烘成邊位少許脆，好味。心太軟- 冇加雪糕球，不過都好好食。窩夫、咖啡同埋南瓜湯側味道一般。同朋友坐得耐飲野係不錯既選擇。幾多梳化椅坐得舒服，不過我發現有好多麵包碎...食完餐器都會有人執，但污糟都冇抹枱。反而女洗手間好乾淨，但要小心洗手盆隔離係門口，有人入好易會被撞到。