意粉屋 (已結業)

　　我小王子係意粉屋o既常客，一諗唔到去邊度食o野就會去意粉屋。但係發覺唔係間間意粉屋都咁好食，而質素高、服務好o既首選係旺角新世紀果間，而銅鑼灣翡翠明珠果間都幾好。但係我去過咁多間，最差o既就係青衣城呢間！　　雖然青衣城分店有露天茶座，更加有無敵海景，但係唔單只服務差，衰就衰在連食物都差過人。話晒意粉屋都係連鎖店，食物質素有高有低唔出奇，但係好似青衣城分店咁又真係離普D。　　話說我某日去食晏，例牌叫Set lunch，貪佢抵食夾大件。但係果度D lunch 唔知點解比人細o左一個碼，焗o既o野尤其明顯，加上每種食都好淡口，無乜調味。　　而D 服務都唔係好得。由於果日好少人，我o地坐入面，但坐o左好耐都無人理。執檯時仲差D 將D 湯倒o係我度，對唔住都唔講聲。所以去意粉屋都唔好去果間。