影片
開飯介紹
"自1979年起，意粉屋以款式繁多味美的意粉成功建立了「意粉專家」的地位。憑藉大廚的精湛廚藝、挑選最上等的材料，如來自意大利的意粉、新鮮蔬菜、優質橄欖油及芝士等等，多年來為客人帶來無限美味驚喜。\r\n意粉屋在香港及南中國擁有超過25間分店，店舖設計時尚舒適，裝修更會定期作出提升，而所有員工均致力為客人提供無微不至的服務。\r\n我們的使命，是慇懃款待每一位顧客，端上營養豐富的美食，讓您在最舒適的環境裡細意品嚐。顧客的欣悅和滿足，就是我們的動力。"\r\n
繼續閱讀
附加資料
無肉餐單詳情: 每天供應多款素食菜式
營業時間
星期一至日
11:00 - 23:00
以上資料只供參考, 請與餐廳確認詳情
相關文章
當日要趕睇戲.但青衣四周食肆人山人海.唯獨意粉屋門口人流較少.也要等15分鍾.近年食評環境相欠奉.因為怕食客誤會我影人..哈哈.呢間意粉屋環境係賣氣氛.燈光比較柔和.如果安排到卡位有私人空間.若不幸安排到通道旁邊的位私人空間同舒適度都少..當日我都有幸被安排到卡位.其實服務無問題.只係人手不足.有位置空出.員工也無暇立刻執枱帶位.椰林相思35元起了一個好靚的名字.其實係雪榚紅豆冰.雪榚甜度低.奶味相當重..而且滑身.中間有少許冰粒.紅豆有咬口.不會過林.食完.雪榚後奶其實很少.加上真材實料無落糖水.所以整杯雪榚紅豆冰也不會越飲越甜.35元也有本身的價值海鮮意粉94元洋葱同胡椒是主要的調味.二者的味都好重.首先意粉硬身.海鮮主要蝦.蝦肉爽口鮮甜.相當新鮮.之後有青口也大大隻,鮮味十足.而魷魚也不會太韌.要讚的雪藏魚肉醃得很好.雖則雪藏魚肉不會鮮甜.但可整到滑身..入口很香.已相當不俗.份量海鮮不算少.反而意粉偏少..價錢呢2種飲品食品再加咖啡已180元..只吃一餐特快午餐當然覺得不值..呢間若果聚舊是不錯的選擇....因我覺得不值笑唔出.若計味道服務,環境是沒有問題的.
繼續閱讀
重陽假期日，本是帶埋小友跟爺爺嫲嫲到廸欣湖郊遊的好日子，可惜天公不造美，最後唯有取消。取而代之便是一家人到了青衣海濱公園長廊跑跑....小友見倦又肚餓，是時候開餐了。捨遠就近，來到公園旁的意粉屋settle down....二哥與姪女隨後一塊兒參加，東西自然要多叫一些，就來兩個set吧，再另加一客buffalo chicken wings。吃不完的話，就將之帶走好了....先喝意大利菜湯。料很多，但味太酸，而且湯面太多油，喝得人有點不舒服蒜蓉飽應是一早焗定，入口太濕，絕不脆口；塗在包上面的蒜蓉牛油像純牛油多一些，一點蒜味及香亦欠奉...水牛城雞翼醃味尚算足，帶微辣夠惹味，不用點附帶的醬汁也吃得到....田園雞塊拼盤將雞翼、雞槌、春卷及薯格共冶一爐，食完後包保你不爆瘡也會滿口痱滋，但這類香口之物，偏偏卻又是太太的摯愛。小弟本身屬燥底，不能多吃，唯有叫太座將它們殺清光...太太在點菜時說千萬別吃這兒的pizza，但其中一個餐內卻有一份甚麼希臘神話薄餅(名字真怪)。試了一口，又覺不太差wor，雖然批底厚得像棉襖，但超碼勝在夠熱辣辣，有半溶之芝士存在，怎樣也不會太難吃的，而且topping材料甚豐 ---- 煙肉、火腿、菠蘿加上蘑菇，再者餡內放入不少沙律醬，入口甜、鹹及酸並存，頗令人開胃....香桃烤雞意大利三色飯的顏色的確搶眼，不過飯本身卻沒甚味道，味主要來自罐頭桃的甜及火腿的鹹....至於雞塊呢....跟飯粒一樣，也是乏味非常....肉醬意粉是最穩陣的選擇 ---- 意粉彈牙，肉醬酸度適中，既香且濃。始終是稱作"意粉屋"嘛，意粉也做得不好，想被拆招牌乎 ?結尾的所謂甜品就真的讓人咋舌 --- 所謂的法式薄餅crepe竟是用上超市冷藏的naan來充撐場面；幸好醬汁很有檸香，味帶少許苦甜，亦是夠醒胃...叫了很多食物，初頭擔心吃不完，怎知食吓食吓又不用帶走。我們這一家的"食力"，確是不容忽視...
繼續閱讀
2人行........病左....睇完醫生.......去左青衣城意粉屋食午餐...我地用左張coupon食左個全場做貴既Pizza.....挪威煙三文魚Pizza......同埋1份蕃茄西蘭花煙肉蛋炒飯.....蘇皮忌廉湯......挪威煙三文魚Pizza正呀.........裏面有三文魚....蝦 (新鮮)......芝士....等等......不過唔夠脆囉.......好似食緊麵包咁........焗耐少少就正晒啦.......蕃茄西蘭花煙肉蛋炒飯......D味較得好岩呀........又係有新鮮蝦.......好好味.....會再返黎食囉......蘇皮忌廉湯.....保持水準啦.......整體上.......十分好......仲有個大肚侍應做得好好呀.......讚!
繼續閱讀
由於堂與堂之間有段頗長既空閒既時間，最好就落黎青衣城食飯。貪佢選擇多同價錢都算合理，行下行下唔知點解行左入黎，點都好啦。話哂都好耐無黎過呢度食lunch，就睇下有咩野食。佢地既lunch可以配酥皮湯既，或者配普通餐湯同蒜蓉包。每個餐加9蚊可以轉小龍蝦湯，我地就叫左兩個餐share黎食。小龍蝦湯加9蚊都合理既，龍蝦湯好creamy。而且又唔會太鹹，個湯仲有適當份量既蝦仔。而跟湯既蒜蓉包，好夠蒜蓉味同好脆。值得一讚架。南方雞翼到而家都唔知點解叫南方雞翼，不過我覺得只係普通既炸雞翼。本來就無乜特別，但加上附上既醬汁就好食好多啦。個醬酸酸地，寧舍開胃架。黑椒雞柳意粉典型既港式味道，但我卻喜歡。意粉炒得算幾乾身，黑椒汁既份量都算適中。而雞柳就無乜特別，只可以話係雞有雞味而已。海鮮闊條麵始終都要番去白汁既懷抱，個人黎講。幾鍾意意粉屋既白汁，因為佢地既味道好難第二度食到架。個闊條麵同大餐牌既無乜分別，海鮮既配料頗多。有魚柳、蝦、魷魚等等。闊條麵就整得頗彈牙，呢個麵都幾得我歡心。食落啖啖都有忌廉味，認真說不錯。食完咁多野，食番個甜品作結，都係唔錯既選擇。布朗尼蛋糕呢個係我個fd食既，佢話呢個蛋糕好重朱古力味。而配上雪糕有種一冷一熱冰火相交既滋味，當然朱古力醬可以多，咁就完美啦。檸檬班戟呢個係我食既，呢個班戟好重牛油味。我覺得都幾好食，因為班戟皮浸哂汁。可以食到檸檬同好濃既牛油味。食落真係好有滿足既感覺，再加上雪糕所營造既冰火相交既感覺。凍Mocha好重既咖啡味中，又有一陣陣既朱古力味。附送既百力滋點點面頭既cream，更有一番風味。整體上，真係算幾抵食既。呢類既餐廳既食物質素幾有保證，而且服務態度又唔錯。都頗主動同有效率，有機會既實會翻兜架。
繼續閱讀
我最愛唻Spaghetti House食下午茶,因為呢個時段人流比較少,唔駛等太耐位我與朋友入到唻坐低已經覺得呢度好寧靜好舒適,鬼咩,少人呀嘛!!!叫員工落單,埋單都好快手服務態度幾好我食的是雞翼薯條拼盆,好好食不過一咬落去,D油係咁標出唻我飲的是奶茶,但奶茶就認真麻麻D味怪怪的,又冇奶味,又冇茶味,真係唔知點解釋佢係咩味,扣哂分價錢合理,唔算太貴不過食物賣相好靚環境舒適,係傾計同hea下的好地方
繼續閱讀