鬼金棒

營業中

休息中

喺銅鑼灣行過好多次呢間鬼金棒，都覺得佢門面裝修好得意，大大支狼牙棒喺門口，今日終於的起心肝入去試一次。平時食拉麵通常都淨係食豬骨湯底，同埋平時都係唔係好食辣，但嚟到呢間專食麻辣湯底嘅出名鬼金鵬，就膽粗粗試吓佢啦。今次我就揀左『味玉麻辣味噌拉麵』，辣度就揀左少麻少辣。呢個辣度對我泥講啱啱好，湯底既味道係有驚喜。因為正如之前所講，我之前食親都淨係豬/豚骨湯底，但呢個湯底絕對會令我番泥再試。另外都想講下舊叉燒，佢切到一舊磚咁，有啲似東玻肉，食落幾有層次，肥瘦參半，唔錯唔錯。成件事加埋鋪頭既裝飾同強勁既太鼓背景音樂，係別有一番風味！