小曼谷海鮮燒烤屋

營業中

休息中

坐車每次經過九龍城小曼谷門口，吹氣公仔 都會向我招招手，如是者日復一日，腦海就自然記起小曼谷，既然朋友非常想念泰國，就讓她吃泰菜暫時解癮止渴吧！泰式雞絲海蜇沙律先來一客 泰式沙律開開胃吧， 海蜇清爽彈牙， 加埋特製調味醬 清新 開胃, 讓炎夏的悶熱都一掃而空。冬蔭公湯 思鄉就最好喝碗冬陰功湯， 不渴由自可，再渴就所有泰國的思念都湧上腦海裡了。色澤帶橙，酸酸辣辣的味道，菇菌、大蝦和泰國香料，馥鬱可口的味道，叫人如何不愛？鐵板豬頸肉啫通菜 隆隆的蝦醬味配上清爽的通菜， 加埋豬頸肉的鹹香與juicy, 鑊氣夠，與在泰國街邊食無異。黎得小曼谷 ， 當然要叫 海鮮孖寶， 講真單叫一客燒脆皮白鱔都百多元， 叫孖寶 絕對是抵食之選吧。泰式燒盲鰽魚皮稍為燒至微焦，內有香茅夾著燒，揭開魚皮香味隨即飄來，條魚燒得啱啱好，炭燒後肉質仍然白又嫩滑，自己燒肯定燒唔到。燒脆皮白鱔 皮脆肉嫰，鱔肉咬起來黎有Q彈的感覺，口感燒得好。