190
27
17
等級1
1
0
2024-03-28 517 瀏覽
三個人幫襯晚市,我今日喺呢度食晚飯。因為上網見到人推,又話有米芝蓮連續七年入選,諗住無伏啦。去到唔使排隊唔使等,叫咗三樣嘢。第一滷水鵝片,鵝肉柴,老,唔滑口。第二川椒雞,雞肉唔入味,只係外面嗰浸偏鹹,仲要有啲老,唔知點做到。第三魚蛋煲,中規中矩正常,街邊貨色,唔值呢個價錢。雖然有名youtube食家alfred推過,我見到都慕名而去,但我接受唔到呢個價錢呢個質素,亦唔知米芝蓮點評分。結論好簡單:唔好去,唔好食,唔好同自己銀包鬥氣。希望以後潮洲菜唔會再食到呢個水平。如果大家有機會嘅就避開呢度啦。
更多
三個人幫襯晚市,我今日喺呢度食晚飯。因為上網見到人推,又話有米芝蓮連續七年入選,諗住無伏啦。去到唔使排隊唔使等,叫咗三樣嘢。第一滷水鵝片,鵝肉柴,老,唔滑口。第二川椒雞,雞肉唔入味,只係外面嗰浸偏鹹,仲要有啲老,唔知點做到。第三魚蛋煲,中規中矩正常,街邊貨色,唔值呢個價錢。雖然有名youtube食家alfred推過,我見到都慕名而去,但我接受唔到呢個價錢呢個質素,亦唔知米芝蓮點評分。
結論好簡單:唔好去,唔好食,唔好同自己銀包鬥氣。希望以後潮洲菜唔會再食到呢個水平。如果大家有機會嘅就避開呢度啦。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2024-03-28
用餐途徑
堂食