爆丼屋 (山東街)

營業中

休息中

一直都有留意到呢間爆丼屋，原來佢地搬左新鋪，樓底高，坐得夠舒服，意想不到食物除左貌相吸引之外，味道仲好好！炙燒七級魚蝦蟹丼 $298材料有：松葉蟹腳、赤蝦、帆立貝、拖羅、三文魚腩、白身魚、三文魚籽份量十足既海鮮丼飯，岩哂鐘意食海鮮既人，一次過食多種海鮮，而且火炙過後，外面有炙燒香味，內裡仍然保持鮮味。所有材料都夠新鮮。三重大極上丼 $398材料有：海膽、拖羅、松葉蟹肉碎款式比之前個款較少，但3款都系較為貴價食材。海膽有大約4-5塊，入口鮮甜。厚切拖羅鋪系第二層，顏色粉嫩，肥美甘甜，入口好快溶化，松葉蟹肉碎圍繞住碗邊，蟹肉鮮甜，鮮味一直keep住系口內。3款夾雜一齊食令鮮甜味更加突出，大家可以不妨試下！麵豉湯叫丼飯會自動送上麵豉湯，麵豉湯比起一般既無禁咸，有蘿蔔片、豆卜等材料。