凱旋餐室

營業中

休息中

今日同朋友嚟試下呢間灣仔嘅新餐廳 凱旋餐室， 見隔離叫嘅鐵板餐好吸引，我哋都叫返個紐西蘭厚西冷扒鐵板餐($128)。扒餐未嚟到已經聽到吱吱喳喳聲啦，熱度十足仲出曬煙，係看得見的惹味！西冷扒大大塊，如果想食熟D仲可以用鐵板熱度繼續煎下，薯條沾滿洋蔥汁，啖啖滋味。+$3配埋冰凍凍檸茶，正！鐵板黑椒牛柳絲炒面($75)，呢個炒面都係鐵板上，同樣熱辣辣。面底非常香脆，黑椒味好出，洋蔥紅椒芽菜等配料夠爽口，濃味得嚟口感層次豐富。