凱旋餐室

營業中

休息中

呢排成日打風落雨，梗係幫襯返啲一落街就食到嘅茶記。呢間位於灣仔市中心，性價比十足，味道一流👏👏🤩馬來炒貴刁香氣四溢，啲鑊氣勁到飛起！👍 每一條河粉都吸晒啲豉油同辣椒醬嘅精華，仲有啲爽口嘅芽菜同鮮蝦，配埋雞蛋真係冇得輸🌶️🤩熱奶茶茶底夠香，奶味又唔會過濃，甜度岩岩好❤️🤩黑椒牛柳絲炒烏冬黑椒醬勁香濃，啲牛柳絲嫩滑又入味，烏冬條條煙韌有嚼勁，簡直係人間極品！一口接一口，停唔到口呀！🤤🤩熱鴛鴦鴛鴦絕對係茶餐廳經典！呢杯嘅咖啡同奶茶比例非常均衡☕🫖🤩奶油脆豬香脆嘅豬仔包夾住溶溶奶油，一啖咬落去，香脆同滑溜嘅口感完美結合👍👍🤩沙嗲牛肉包呢款真係懷舊味道！牛肉厚切又好嫩，沙嗲醬甜中帶辣，啱晒我呢啲重口味嘅朋友🙌🙌

同屋企人嚟灣仔購物，買完就順便喺附近食埋晚飯先返屋企。 見到呢間「凱旋餐室」有二人套餐供應，只係 $203 就已經包 2 款小菜、油菜一碟、白飯、例湯，非常划算！今日嘅例湯係眉豆紅蘿蔔合掌瓜豬骨湯，湯身熱辣辣，火候十足，入口非常清甜，夏天飲真係好滋潤！清蒸石斑，條魚蒸得啱啱好，食落非常鮮美，魚皮 Q 彈，魚肉嫩滑，雪白又不腥，配上薑蓉芫荽，更能帶出魚香。鳳梨咕嚕肉，外層炸到金黃酥脆，內裡豬肉肥瘦適中，鮮嫩富彈性，入口酸酸甜甜，開胃又唔膩，送飯一流！油菜揀左菜心，入口清甜爽脆，加上每條都裁度過，看得出用心。食完飯再嘆返杯凍飲，檸茶清爽、奶茶順滑，濃而不澀👍

剛剛去完旅行，食咗日本餐一星期，好掛住港式茶餐廳美食💗😆😁係灣仔搵到間裝修舒服的冰室，叫凱旋餐室，一個人都叫我坐四人卡位，坐得寬敞。之前試過有d餐廳，明明無人都要搭枱。叫咗豉汁蒸倉魚🐟，98元包白飯及熱飲。倉魚🐟幾大條，好新鮮，肉質嫰滑，蒸得岩岩好。有豆豉，芫茜，薑蔥調味，好惹味。見到餐牌好多選擇，有燒味，常餐，小菜，下午茶，潮式粉麵等，包羅萬有，下次都可以再嚟。灣仔莊士敦道194-204號灣仔商業中心地下

行完書展黎到附近整返個茶記🫶🏾我地叫左下午茶既 沙薑雞飯配雜果冰❤️沙薑汁好味，配白飯，但下午茶嘅價錢，呢個份量真係幾抵食，重點係啲雞好嫩滑，唔嚡口🤠瑞士汁乾炒牛河❤️雖然份量有啲少，但鑊氣十足！最緊要瑞士汁味濃，配埋牛河，肥仔必點🤣午餐既意大利茄蓉焗豬扒飯❤️係蛋炒飯底！飯粒粒粒分明，食落唔油膩，茄汁酸酸甜甜好開胃，豬扒厚切大大塊，正！菜心全走❤️ 呢個價錢大大碟！菜心仲要清甜，抵食🫶🏾

早幾日經開灣仔做野，要喺附近食lunch，隨意入左間茶記，叫左個常餐👅沙嗲牛肉通粉火腿炒蛋幾大份，蛋亦保持住少許嫩滑口感多士夠脆，牛油搽得非常足兼均勻👍沙嗲牛夠味，口感唔韌通粉偏細粒偏薄身，似係家x牌快熟果種，口感一般餐廳大部份都係卡位👍 環境食物同服務整體可以一試🆗

呢幾日都係灣仔training ，係樓下有間茶記就入去試下，中午去到已經好多人，原來餐牌海量選擇，有是日精選，小炒餸，炒粉麵飯，咖哩，等等。終於比我搵到有瀨粉食，香港已經好難搵到，今日嗌左叉燒酒雞雙拼瀨粉，回味下兒時感覺。 瀨粉粗身帶米香，咬落爽滑不糊口，湯底清淡突顯配料精髓——蜜汁叉燒半肥瘦焦香，豉油雞肉質嫩滑份量多，雙拼份量鋪滿碗面。 環境都幾新淨，落單上菜都好快，岩晒上班族😂 下次想試下個炒飯同是日午餐。

今天，我們去到灣仔商業中心地下凱旋餐廳（灣仔） 午餐。我們入到去餐廳，已經有很多客人在午餐。我們等了一會兒，才找到卡位坐下。#二人套餐$203我們點了一個二人套餐，套餐裡有美味的清蒸海石班，魚肉鮮嫩，味道極佳，讓人垂涎欲滴。還有鳳梨咕嚕肉，酸甜可口，搭配米飯非常合適。這道菜的鳳梨香氣撲鼻，搭配豬肉的香味，讓人一口接一口。用餐過程中，我們聊天很愉快，享受著美食的同時，也加深了彼此的友誼。最後埋單時總共花了$209。

🍽️凱旋餐室 (灣仔)📍灣仔莊士敦道194-204號灣仔商業中心地下～清蒸海石斑呢條薑蔥蒸石斑掂！魚肉又滑又鮮，吸晒豉油同薑蔥嘅香味，一啲都唔腥。肉質嫩到夾起嚟會散咗🤣仲要冇骨啖啖肉，簡單蒸已經夠晒鮮甜！撈埋啲魚汁食飯，真係停唔到口，食完仲回味緊～抵讚！～沙嗲牛麵真係冇得輸！湯底濃得嚟唔會太鹹，沙嗲味香到爆，正！牛肉片又嫩又滑，唔會好似一般其他茶餐廳韌到擦膠咁。麵質爽口彈牙，索晒啲汁，食到lam lam脷，加多杯雜果賓治，好享受😍

灣仔CP值超高茶餐廳.ᐟ‪‪.ᐟ♥️人均只要$100有蒸石斑魚吃！$203 二人餐包兩款小菜+油菜一碟+例湯+白飯例湯係★蠶豆花生排骨雞腳★一啲都唔油膩，不會很鹹，沒有味精味，很足料的感覺！★清蒸海石斑★超大一條新鮮石斑魚！魚肉很新鮮食到魚味！值得一讚是用了薑蓉，令薑味更突出，所以沒有一點魚腥味！我同男朋友都鍾意食魚，食到一啲魚肉都冇剩🤣★蒜片腰果牛柳粒★牛柳粒炒到表皮微微脆口！一口牛粒很有咬口，但唔會好韌！很香蒜味！大讚蒜片用油炸過，炸到軟身，非常香～♥️呢個價錢有菜、有肉、有湯、有飯，食到非常滿足！果然家常便飯才是最美味♥️～

中午在灣仔附近找地方食飯，看到openrice的食評，這間餐廳的評語幾好，於是去試一試，怎料 事實與食評並不一致。點了午餐回鍋肉飯，上菜時飯餸不算熱，勉強也可以。進食時，發覺部分豬肉有臭味，我也不敢再多吃了。希望不會肚痛。跟樓面講，沒有反應。俾錢時，再跟收銀老闆娘講，希望留意一下。真的不明白，以這間茶餐廳的衛生情況、職員態度及價錢，按道理沒有可能有那麽多的正面評語。 真心希望有關負責人留意一下及改善一下。

今次去咗灣仔嘅凱旋餐廳，餐廳外觀簡樸，就係典型嘅港式茶餐廳風格，位置便利，一眼就搵到。入面環境乾淨企理，店員招呼周到，令人感覺好舒服。我試咗佢哋嘅蕃茄肉碎薯角，$48一份，價錢唔算貴。薯角唔似一般炸到硬脆嘅，佢哋嘅腍滋滋，一咬落去軟綿綿，好正。蕃茄肉碎嘅醬汁酸甜平衡得好好，肉碎香濃又有嚼勁，同腍滑嘅薯角配搭，成個味道層次豐富咗好多。之前我喺旺角一間西餐廳食過薯角，嗰度嘅薯角雖然脆口，但味道淡而無奇美中不足嘅係，份量有啲唔夠喉，食完仲想再食多啲。而且用餐高峰時間，店內有啲嘈雜。講到呢個蕃茄肉碎薯角，令我諗起以前喺屋企附近小食店食嘅薯仔製品，嗰種簡單又美味嘅感覺，而家喺凱旋餐廳食呢個薯角又重溫到，雖然唔係同一個食物，但嗰種勾起回憶嘅味道，真係好難得。

📍 凱旋餐室 (灣仔)灣仔莊士敦道194-204號灣仔商業中心地舖川辣口水雞飯 跟熱飲💰61😋😋😋😋.8/5午巿套餐川辣口水雞飯，真係好驚喜！雞肉鮮嫩，淋上特製嘅辣醬，味道香辣適中，唔會太過嗆，食落去一口接一口，根本停唔到口，係一個非常滿足嘅選擇！吉列魚柳沙律 💰45😋😋😋😋.6/5接住我試咗吉列魚柳沙律，魚柳外脆內嫩，炸得啱啱好，唔油膩。沙律新鮮，搭配咗清新嘅沙律醬，味道非常清爽，整體口感好平衡，呢個沙律適合想輕食嘅朋友，絕對係個好選擇！回頭: yes，凱旋餐室嘅食物質素高，無論係辣味嘅口水雞飯定係清新嘅沙律，都令我印象深刻！✨

今晚經開灣仔，諗唔到食乜嘢經過凱旋餐室睇佢個menu見到佢Menu好多款式選擇😍有燒味有小菜有蒸魚套餐等等唔想食套餐，常餐麵包都有得食同埋好難得夜晚仲有冇加一服務費～😆夜晚諗唔到食乜嘢，都可以去食✨奶油豬 $18奶油豬焗到好脆，外脆內軟，雖然好邪惡但係好好食😋✨豉汁粉絲蒸鱔 $98跟例湯或者飲品，再加個白飯鱔有八大嚿，每一嚿都好肥美🤤同埋好新鮮😍豉汁唔會過鹹然後啲粉絲又好索啲汁，好好送飯下次要試其他魚😍

今日lunch time去咗間茶記醫肚，叫咗個瑤柱肉鬆蒸水蛋飯60蚊🍚🥢個蒸水蛋滑嘟嘟，仲有啲瑤柱絲吊味，抵食夾大件，仲有幾條菜，確係幾唔錯！又比多飯！抵讚！👍🏻另一個梅菜扣肉飯都唔錯！肥瘦均勻嘅扣肉，炆得夠腍夠入味，啲扣肉唔會太肥，仲要都幾大份，又俾得多扣肉，梅菜又夠晒鹹香，兩個餸加埋一齊送飯一流！🍚🍚🍚 撈埋啲汁一齊食，可以食到lam lam脷！重點！上菜快，得一個鐘頭食飯時間完全唔夠👍🏻

今日去咗凱旋餐室食早餐，呢間餐室充滿住舊式香港茶餐廳嘅風味，入面嘅裝修同擺設，都好有年代感，好似帶我返咗上世紀嘅香港咁。叫咗個茄湯通粉同埋奶油豬仔包。先講茄湯通粉啦，湯底嘅番茄味好濃郁，酸酸甜甜好開胃，仲有啲牛肉塊，煮得好淋身，入口唔韌。通粉嘅口感唔錯，軟硬適中。但同意大利嘅番茄濃湯相比，呢個茄湯通粉嘅湯底就少咗啲香草同香料嘅味道，層次感上遜色啲。再講奶油豬仔包，包烘得金黃酥脆，牛油同煉奶搽得好均勻，甜度適中，咬落去又香又滑。價錢方面，兩樣嘢加埋三十九蚊，喺香港嘅茶餐廳入面，算係好實惠啦。小缺點就係環境有啲逼夾，座位之間距離唔大，而且因為餐廳有年代感，所以有啲設施可能有啲舊。同其他新式茶餐廳相比，凱旋餐室嘅環境就唔算好舒適。講到呢啲茶餐廳美食，真係好有香港情懷。細個嗰陣，最期待就係同屋企人去茶餐廳食早餐，茄湯通粉同奶油豬仔包都係經典之選。而家每次食返呢啲，就好似同過去嘅時光重逢咁，雖然餐廳可能唔係好華麗，食物亦都唔係山珍海味，但每一口都充滿住回憶，呢種味道同情懷，就係香港茶餐廳最吸引人嘅地方啦。