黑布小巷

營業中

休息中

黑布小巷最初喺旺角黑布街開業，嗰陣時一直未有機會幫襯，直至搬嚟到荔枝角，先至有機會一試。叫咗份慢烤雞腿芝士蛋吐司配冬瓜茶。首先份吐司真心高質：慢烤雞肉嫰滑 juicy，日本流心蛋色澤鮮明有蛋味，厚厚嘅瀑布芝士本來幾膩，但吐司入面加咗好似橙汁咁酸酸甜甜嘅秘製醬汁，中和咗肥膩感，味道更加得以提升。冬瓜茶味濃但唔算好甜，非常啱我口味。另外，要讚嘅係小店提供埋手套畀食客進食，相當窩心，否則的話，蛋汁沿手指流下，就會非常狼狽😂。