更多
2018-09-24
909 瀏覽
好耐無見一個走左一段時間既舊同事，原來佢都係中上環返工，於是約埋幾個岩傾既同事一齊放工去"Happy Gathering"，有人提議話試下呢間，因為D點心好似都幾得意。打開個menu，其實都唔平......中環價錢啦，不過果日公司有人請食tea，個個都覺得好飽，所以今餐都唔駛食甘多，隊長坐低見到燒乳鴿就雙眼發光，因為得我一個食，所以都係叫左一隻食，上檯個賣相就好靚，食落就覺得麻麻，炸得唔夠乾身，個皮唔夠脆；燒鵝都係失望的，同樣地燒得唔夠脆，同埋上碟已經唔夠熱，义燒都還可以，好過個燒鵝，起碼熱D，不過始終呢D野應該去番傳統中菜館食。去新派中菜館食，應該試下D新潮野，晚市都仲有點心食，於是我地點左幾個特別D既點心食：老鼠愛大米、銀湖天鵝酥、大良鮮奶脆網卷，鮮奶卷係最好味的，相對一般大娘炸鮮奶，佢無甘油膩/甘甜；至於天鵝酥就賣相最靚，不過呢個就反而乾得滯，老鼠愛大米就無乜味道。唔係太夠飽，所以叫多左個蝦球蟹子銀絲煲、濃湯蕃茄雜菜煲，雜菜煲就唔多講，因為真係無特別；粉絲煲都OK既，粉絲夠乾身，蝦就淡荗荗，粉絲搭夠。你問我係咪好難食，未至於，但每個菜既價錢都唔平，都知新派中菜唔好諗住食到有鑊氣既
打開個menu，其實都唔平......中環價錢啦，不過果日公司有人請食tea，個個都覺得好飽，所以今餐都唔駛食甘多，隊長坐低見到燒乳鴿就雙眼發光，因為得我一個食，所以都係叫左一隻食，上檯個賣相就好靚，食落就覺得麻麻，炸得唔夠乾身，個皮唔夠脆；燒鵝都係失望的，同樣地燒得唔夠脆，同埋上碟已經唔夠熱，义燒都還可以，好過個燒鵝，起碼熱D，不過始終呢D野應該去番傳統中菜館食。
去新派中菜館食，應該試下D新潮野，晚市都仲有點心食，於是我地點左幾個特別D既點心食：老鼠愛大米、銀湖天鵝酥、大良鮮奶脆網卷，鮮奶卷係最好味的，相對一般大娘炸鮮奶，佢無甘油膩/甘甜；至於天鵝酥就賣相最靚，不過呢個就反而乾得滯，老鼠愛大米就無乜味道。
唔係太夠飽，所以叫多左個蝦球蟹子銀絲煲、濃湯蕃茄雜菜煲，雜菜煲就唔多講，因為真係無特別；粉絲煲都OK既，粉絲夠乾身，蝦就淡荗荗，粉絲搭夠。
你問我係咪好難食，未至於，但每個菜既價錢都唔平，都知新派中菜唔好諗住食到有鑊氣既野，不過甘既價錢，我又唔會返轉頭再食啦~
張貼
