新沙洞大排檔 (大政街)

營業中

休息中

今日同朋友試左呢間位於大角咀嘅新沙洞大排檔韓國餐廳。我地叫左佢哋嘅招牌醬油拼盤配紫菜拌飯同韓式水冷麵。整體黎講味道可以接受，醬油拼盤食得出醬油既甜同鮮味，蝦既肉質幾嫩，但略有腥味，同食得出少量既雪藏味，呢樣有啲反感。蟹唔算大隻，膏亦唔算多，就我食過咁多醬油蟹而言質素一般般。紫菜拌飯份量略少。韓式水冷麵幾開胃，食落酸酸地，食完之後都會有滿足感。不過就價錢方面而言，呢間餐廳略貴，可能唔太適合預算有限嘅人士。餐廳座位既空間唔大，枱亦相當細，睇黎有善用餐廳空間黎放多啲枱，坐得唔算舒服。但就食物而言，真係好鐘意食韓國菜既係值得一試。