蝦匠 (已結業)

見咁多笑面所以特別去試，之前睇了多編食評，所以對菜單選擇心中有數。點咗冬蔭功蝦湯米缐及龍蝦湯油麵，加多罐可樂。先嚟罐可樂，問侍應有冇冰底？佢話冇，因為可樂已經凍，而事實可樂係唔夠凍。再上冬蔭功，感覺口感及味道都唔夠，本人亦認為冬蔭功同米線唔夾，配料又唔夠足，見到圖片有蘿蔔，車厘茄勁多，但事實係冇蘿蔔同得一粒咁多車厘茄。至於龍蝦湯油麵，湯底比冬蔭功好，配油麵都合理，龍蝦尚算可以。但份量唔覺得係勁大碗！（之前有食評話好大碗）或者係指好大隻碗，但份量真係唔算多。食後感：言過其實！