千賀水產 (已結業)

呢間餐廳喺openrice勁多好平，趁老公生日食左餐，但係就非常失望呢間主打日式放題同燒海鮮，首先刺身壽司同其他熟食非常一般，晚市268加一嘅價錢，喺第二度可以食得更好，不過有任食燒海鮮，本來我都寄予厚望……首先每枱客都會送一盤海鮮，第一盤海鮮有蠔，蝦，帶子，蜆，非常正！店員仲會幫你燒，非常好。點知後來追加海鮮，所有食材都削左一半，追加嘅蝦，蜆，扇貝都細粒到唔使恨，又唔新鮮，加左一轉之後就無再加。仲有樣野唔好係店員不斷催你，我地食7點至9點，8點3已經提你15分鐘後last order,8點半就叫你埋單，8點9就提你仲有15分鐘，8點11就催你要交枱，從未試過食一間放題會催得咁密，最後仲唔夠時間食，而事實係當日係星期一晚，樓面仲有好多空枱，走嗰陣出面完全無人等位，唔明點解佢地要係咁催人走，好annoying。呢度好評咁多，實際上完全係另一回事， 建議住得遠嘅朋友真係無需要特登入去食，嘥錢嘥時間。