影片
更多
2017-04-30
231 瀏覽
見到有好多食評話呢間拉麵好味，甚至講到話係「食過最好味既拉麵」，今日小編食完，就覺得都不過係名過其實姐😂今日7:30 p.m. 去到，門口排緊6至7個人。係等緊既時候，waitress 會俾定點餐紙我地，揀定食乜，咁就可以係入座之後即刻入單，加快效率。我地3個人等左15分鐘左右就有位喇😎 呢到日間賣沾麵，夜間賣拉麵。一入到店入面，俾我既感覺係有啲簡陋，因為店𥚃全部都係以吧枱同高椅形成，同埋都幾迫下，而且唔係張張高櫈都有放腳位，佢地會個膠盒你踩住浪腳，但又唔係個個位都有，所以我要同個fd share踩😞都幾辛苦下。另外，枱下會有放袋位，但係又係好小位，不過就發現佢地既服務態度真係抵讚！佢留意到我唔夠位放袋，好快就俾左個膠盒我額外放袋，見到我fd張櫈太高坐得唔舒服，又即刻幫佢換張矮啲既櫈，可以發現佢地係會留意到客人既需要！🤗鏗魚其實即係木魚，兩碗唔同在於鏗魚果碗多左啲木魚碎係面，同埋湯底唔同。兩碗湯底都明顯同出面拉麵既湯係唔同，因為係主打魚湯，所以除左豬骨湯味，仲會多左魚湯味。介魚湯比鏗魚湯滑，鏗魚湯就濃味啲。其實鏗魚果碗叫左多汁，但係都唔見有多到😂 麵身比較粗同硬，建議係點餐紙加項俾客人
今日7:30 p.m. 去到，門口排緊6至7個人。係等緊既時候，waitress 會俾定點餐紙我地，揀定食乜，咁就可以係入座之後即刻入單，加快效率。我地3個人等左15分鐘左右就有位喇😎
呢到日間賣沾麵，夜間賣拉麵。
一入到店入面，俾我既感覺係有啲簡陋，因為店𥚃全部都係以吧枱同高椅形成，同埋都幾迫下，而且唔係張張高櫈都有放腳位，佢地會個膠盒你踩住浪腳，但又唔係個個位都有，所以我要同個fd share踩😞都幾辛苦下。另外，枱下會有放袋位，但係又係好小位，
不過就發現佢地既服務態度真係抵讚！佢留意到我唔夠位放袋，好快就俾左個膠盒我額外放袋，見到我fd張櫈太高坐得唔舒服，又即刻幫佢換張矮啲既櫈，可以發現佢地係會留意到客人既需要！🤗
介魚豚骨拉麵
$78
40 瀏覽
0 讚好
0 留言
鰹魚味豚骨拉麵
$83
57 瀏覽
0 讚好
0 留言
鏗魚其實即係木魚，兩碗唔同在於鏗魚果碗多左啲木魚碎係面，同埋湯底唔同。
兩碗湯底都明顯同出面拉麵既湯係唔同，因為係主打魚湯，所以除左豬骨湯味，仲會多左魚湯味。
介魚湯比鏗魚湯滑，鏗魚湯就濃味啲。其實鏗魚果碗叫左多汁，但係都唔見有多到😂
麵身比較粗同硬，建議係點餐紙加項俾客人揀麵既軟硬度，始終唔係個個都鍾意食硬身麵架嘛。麵既掛湯能力都麻麻地，要湯同麵一齊食，魚湯味先會突出啲。
叉燒係燒過既叉燒，會真係食到燒過既味，我食第一舊叉燒好韌好鞋，成舊瘦肉咁，又唔索汁，第二舊就正常番啲，但都只係正正常常，未去到話好味。
至於麵既分量，正常食量既女仔叫「少」真係已經足夠。小編平時食一蘭或者豚王都會覺得麵量係夠食，但係未夠喉。而呢到既普通份量，我以為自己會食得晒，最後都食淨小小。🤣
呢到既辣椒油係真係辣架，撈落麵到甜甜地辣辣地都幾正架😋
總結，以屬於呢個價位既拉麵黎講，以同等價錢，可以食到比呢個更好味既拉麵，同更舒適既環境。小編下次會再試下呢到既沾麵，但拉麵就唔會推介🙅🏻
張貼
