入左舖係冇人staff響門面，咁我一位就見到有枱就搭枱啦，坐低咗之後個Staff出嚟又要我調位。。。
落咗個湯餃，大約等咗20分鐘上菜
個湯底完全feel到冇誠意，飲得出蝦皮同豬骨嘅，但係就完全冇咗餃子湯底應有嘅鮮甜（其實同區有好多湯餃都做到鮮甜嘅湯底）。本身網上啲人介紹嘅相個湯底顏色都好濃郁，係咪因為做紅咗，所以而家完全冇誠意？
至於餃子，叫咗個雲耳椰菜水餃，老實講，非常普通，值得讚嘅係佢用咗雲耳而唔係木耳，所以雲耳嘅口感同埋椰菜係夾得幾好嘅，但薑味超級搶味，遮蓋咗餡料嘅味道，亦令到成隻餃子嘅味道好單一，就係食到薑味。。
另外需要一提嘅就係，雖然餐廳嘅裝修幾靚，但係環境衛生都麻麻地，食嘢嘅途中都會見到好多昆蟲飛來飛去
完全唔推介
