日本野 (已結業)

啲人成日話港女中意食日本野，今次真係名副其實食’’日本野’’喇😆！呢度環境都幾闊落，店員仲安排我地坐卡位添💛。————————————————————晚市幾抵食，定食會配埋飯🍚、溫泉or溏心蛋🥚、麵豉湯同餐飲🍱。-石燒吉列霜降牛小排定食 $178牛小排油脂香濃豐富🐮，雖然筋位比較多，但肉質軟嫩多汁💦，吉烈外層亦夠香脆唔油膩🤎。不過石板有啲厚，導熱方面會比較慢😆！-浦燒鰻魚定食 $118鰻魚肉質彈滑🐟，鰻魚汁亦夠濃甜，唔錯。-刺身拼盤 $88分別有三文魚、北寄貝、八爪魚、甜蝦🦐各二件✨，整體質素一般，唔算突出😌，如果刺身有冰伴碟🧊，再凍少少會更好。-蟹籽沙律 $68無論蟹籽、青瓜條定蟹柳都好足料🥗，青瓜夠又夠爽脆，開胃一流。👍🏻💦。