東寶小館 (已搬遷) 新店位置

好多年前黎過，中間都有想過想黎但一直覺得應該要等勁耐位所以放棄，呢晚又有人提議要黎，咁就試下book啦~前1日book都得，不過職員話到時都可能要等。是日比訂位時間早左20分鐘到，超多人等緊位，前後等左大概35-40分鐘就入得，同我諗嘅差不多。值得一讚的是，雖然好多人，但啲職員態度幾好🖒6個人點左6菜1飯2汽水。叫左半隻風沙雞，炒芥蘭，墨汁鮮魷，琵琶豆腐，米通蓮藕炸鯪魚餅，蕃茄芝士包同敗家子炒飯。敗家子炒飯，炒得好香，賣相好靚風沙雞半隻，皮好脆，雞肉好滑咸魚蓉炒芥蘭，惹味琵琶豆腐，大大件，都幾好食，不過要好小心熱，會辣咀蕃茄芝士包，熱食好味，好芝士米通蓮藕炸鯪魚餅，好香口，但唔係好覺有蓮藕墨汁鮮魷，魷魚下面有意粉，有dd過咸，但都好味嘅，雖然會食到好污糟，不過都清哂!東寶果然名不虛傳，好熱鬧同埋好好味，下次都會考慮再黎！