霜瀛 (已搬遷) 新店位置

上環呢間霜瀛 OMAKASE聽朋友大讚話質素好正叫我一定要嚟試下，果然真係名不虛傳😍超高質❗️基本上$1580一位就包哂前菜、茶碗蒸、四款時令刺身、一款季節料理、六件手握壽司、湯同甜品。最想推介鮫鰈魚壽司🐟係北海道特產，肉質比豐潤嫩滑，好肥美。跟著新鮮八爪魚🐙都入口煙韌有口感，而吸盤就好脆，口感豐富，另外配上柚子皮及竹炭鹽調味。甜品就不得不提北海道雷電赤肉蜜瓜🥰超級甜❗️跟著最中餅入面係開心果口味雪糕，大滿足。