陳通記

營業中

休息中

大概朝早十一點左右去到長洲，第一站就試下好多人推介嘅陳通記，建議大家冬天先好去食，因為夏天個到係！！無冷氣！！，個日坐嘅位已經對正幾把風扇，但係食完熱辣辣嘅湯麵，都已經大汗浹背。1. 沙嗲牛肉米通 & 公仔麵兩碗麵嘅沙嗲湯底都極度濃味，每一啖都食到有花生碎；之前睇過米紙介紹呢間鋪嘅牛肉都係新鮮牛肉，唔怪得咁嫩滑，仲要份量都幾多。如果要喺米通同公仔麵二簡一，一定會簡米通，一黎出面好少可以食到，二黎米通比公仔麵更加掛同索汁，岩哂啲鐘意食濃味嘅人。如果上菜嘅速度快少少會更加快就好，呢兩碗麵都等咗接近廿幾分鐘。2. 咸牛肉三文治呢間嘅三文治有得簡烘底，咁點都一定會簡烘底。三文治正常質素，無咩特別，咸牛肉加蛋嘅份量都幾多，蛋都幾嫩滑，食落去都唔會好乾。