鮨文 (裝修中)

最近元朗有一間十分有名的壽司店, 由於太多食客的關係, 訂位訂左一個月終於有機會試到。門面及店內沒有華麗的裝飾, 面積亦不大, 但簡約的感覺反而充滿著日本地道的感覺。一入門口有吧枱位, 可以近距離欣賞師傅的手藝, 店內亦有大枱, 適合一班朋友或家庭進餐暢談。本人認為可以近距離欣賞師傅的刀工及手藝, 可以說是一種享受, 更有師傅提供品嚐壽司的意思, 所以二話不說就擇左吧枱位置。今次我點了一份了「正」套餐 $1000，包括4款刺身、6件壽司、1條手卷、魚湯、蒸蛋和甜品。首先有餐前小吃, 包括黑松露蒸蛋、醃左既銀魚仔及糖蕃茄沙律。蒸蛋嫩滑, 配上黑松露十分夾.糖蕃茄沙律亦很生鮮清甜, 好開胃。竹籤魚刺身魚肉先用火槍燒過，有啖啖的焦香味，配上附上的薑蔥豉油魚鮮更突出。帆立貝刺身肉質較爽脆而且十分鮮甜, 感覺好生鮮, 與平時食開的天壤之別。北寄貝刺身口感十分爽脆, 咬落去"索索"聲。油甘魚壽司油香味重，魚質肥美甘香。三文魚籽壽司每粒魚子都非常新鮮, 內裏就似透出金黃色一樣十分奪目，咬落去感覺好似爆珠咁, 外皮爽口, 內裏的汁好鮮甜, 完全無腥味, 配上少許青檸皮碎，令感覺鮮甜又清鮮!拖羅壽司入口