孖沙茶餐廳 (已結業)

難得早放飯，諗都唔諗就去孖沙，只係有條龍仔係門外，真係好彩! 點知一坐底點3眼仔，居然無蛋要等30分鐘! 世上有沒有比這更無奈的時刻!唔理啦，老虎蟹都等! 結果都只係等左20分鐘，個天都對我唔錯。 講返個飯，白飯太陽蛋加醬油已然是我的至愛，加埋叉燒係中間，個種幸福感，你明唔明! 開動左都唔知有無10分鐘，伙記又大叫蛋飯得返一份，眼見外邊條龍愈來愈長，蛋飯買少見少，眼見一班望穿秋水既打工仔，唔知邊個好彩食到最後個碟蛋飯? 吃一次飯可見人生，幸或不幸早註定， 下次早放飯還是會來碰運氣!