影片
更多
2018-10-08
47 瀏覽
之前見到個鰻魚飯已經想試好耐，今次終於有機會喇😍 店舖係正k11對面，內裏裝修甚有日式風格。一行二人，總共點左4樣食物。-原條鰻魚飯 ($128)如果有尺，真係想度下條鰻魚有幾長😂 超大條又肥美！真係無欺場！鰻魚用成田醬以炭火燒烤而成，醬汁份量岩岩好，唔會過鹹，亦都保留到鰻魚既肉汁，魚肉嫩口，魚皮煙煙韌韌。雖然唔係d咩高級鰻魚，有少少魚骨，不過性價比好高，值得叫黎食👍🏻-黑松露和牛炒飯 ($58)炒飯炒得乾身，粒粒分明，並唔油膩。和牛切成片狀，冇話炒到過韌，不過似食緊肥牛😂 至於黑松露味就真係冇乜，不過黑胡椒味就好重，增加飯香，幾惹味！-火炙北海道帆立貝蟹膏卷 ($88)經火微微燒過既帆立貝，配上中間既青瓜絲，既爽口又清新。而且青瓜味道清甜，更加帶出蟹膏既鮮味，絕對係冇苦味，證明食材夠新鮮👍🏻-流心芝士燒年糕 ($48)熱溶既芝士永遠係最邪惡😍 年糕外皮微脆，一咬開芝士好似溶岩咁湧出黎，芝士味唔算濃，食完唔會好漏。擺左陣再食，會有拉絲既咬果，多左煙韌既口感🙈-好味指數:7/10性價比:8/10推薦度:7.5/10
-
原條鰻魚飯 ($128)
如果有尺，真係想度下條鰻魚有幾長😂 超大條又肥美！真係無欺場！鰻魚用成田醬以炭火燒烤而成，醬汁份量岩岩好，唔會過鹹，亦都保留到鰻魚既肉汁，魚肉嫩口，魚皮煙煙韌韌。雖然唔係d咩高級鰻魚，有少少魚骨，不過性價比好高，值得叫黎食👍🏻
-
黑松露和牛炒飯 ($58)
炒飯炒得乾身，粒粒分明，並唔油膩。和牛切成片狀，冇話炒到過韌，不過似食緊肥牛😂 至於黑松露味就真係冇乜，不過黑胡椒味就好重，增加飯香，幾惹味！
-
火炙北海道帆立貝蟹膏卷 ($88)
經火微微燒過既帆立貝，配上中間既青瓜絲，既爽口又清新。而且青瓜味道清甜，更加帶出蟹膏既鮮味，絕對係冇苦味，證明食材夠新鮮👍🏻
-
流心芝士燒年糕 ($48)
熱溶既芝士永遠係最邪惡😍 年糕外皮微脆，一咬開芝士好似溶岩咁湧出黎，芝士味唔算濃，食完唔會好漏。擺左陣再食，會有拉絲既咬果，多左煙韌既口感🙈
-
好味指數:7/10
性價比:8/10
推薦度:7.5/10
張貼
